నంద్యాల ఉప ఎన్నిక : వైకాపా అభ్యర్థిగా శిల్పామోహన్ రెడ్డి

టీడీపీ సీనియర్ నేత భూమా నాగిరెడ్డి హఠాన్మరణంతో ఖాళీ ఏర్పడిన కర్నూలు జిల్లా నంద్యాల అసెంబ్లీ స్థానానికి త్వరలో ఉప ఎన్నిక జరుగనుంది. ఈ ఎన్నికల్లో వైకాపా తరపున ఇటీవల ఆ పార్టీలో చేరిన టీడీపీ నేత శిల్పా మో

టీడీపీ సీనియర్ నేత భూమా నాగిరెడ్డి హఠాన్మరణంతో ఖాళీ ఏర్పడిన కర్నూలు జిల్లా నంద్యాల అసెంబ్లీ స్థానానికి త్వరలో ఉప ఎన్నిక జరుగనుంది. ఈ ఎన్నికల్లో వైకాపా తరపున ఇటీవల ఆ పార్టీలో చేరిన టీడీపీ నేత శిల్పా మోహన్ రెడ్డి బరిలోకి దిగనున్నారు. 

ఈ మేరకు వైఎసీపీ ఓ ప్రకటన విడుదల చేసింది. కర్నూలు జిల్లా నేతలతో పాటు పార్టీకి చెందిన సీనియర్ నేతలతో జరిపిన చర్చల అనంతరం వైకాపా అధినేత జగన్ ఈ మేరకు నిర్ణయం తీసుకున్నారు. నంద్యాల ఉపఎన్నికల్లో వైసీసీ అభ్యర్థిగాశిల్పా మోహన్ రెడ్డి ప్రకటిస్తున్నామని, అంతేకాకుండా, నంద్యాల నియోజకవర్గ సమన్వయకర్తగానూ ఆయన్నినియమించామని జగన్ విడుదల చేసిన ఓ పత్రికా ప్రకటనలో పేర్కొన్నారు. 

కాగా, ఈ స్థానం నుంచి టీడీపీ తరపున భూమా కుటుంబ సభ్యులు లేదా బలమైన ప్రత్యర్థిని టీడీపీ అధినేత, ఏపీ ముఖ్యమంత్రి చంద్రబాబు నాయుడు బరిలోకి దించే అవకాశం ఉంది. వైకాపా శిల్పా మోహన్ రెడ్డిని బరిలోకి దించడంతో ఇక్కడ పోటీ రసవత్తరంగా మారింది.