భరత్ కారు వేగం.. గంటకు 140 కిమీ : బ్రేకు వేయలేనంతగా మద్యం కైపు..

హైదరాబాద్, ఔటర్ రింగ్ రోడ్డుపై జరిగిన కారు ప్రమాదంలో హీరో రవితేజ సోదరుడు భరత్ దుర్మరణం పాలయ్యారు. ఆయన ప్రయాణించిన కారు గంటకు 140 నుంచి 150 కిలోమీటర్ల వేగంతో ప్రయాణించినట్టు కారు స్పీడో మీటర్ రుజువు చే

హైదరాబాద్, ఔటర్ రింగ్ రోడ్డుపై జరిగిన కారు ప్రమాదంలో హీరో రవితేజ సోదరుడు భరత్ దుర్మరణం పాలయ్యారు. ఆయన ప్రయాణించిన కారు గంటకు 140 నుంచి 150 కిలోమీటర్ల వేగంతో ప్రయాణించినట్టు కారు స్పీడో మీటర్ రుజువు చేస్తోంది. దీనికితోడు బ్రేకు వేయలేనంతగా మద్యం కైపుతో ఉన్నట్టు సమాచారం. 

కాగా, శనివారం రాత్రి హైదరాబాద్ నోవాటెల్ హోటల్‌లో జరిగిన ఓ పార్టీలో పాల్గొని ఆ తర్వాత తమ కుటుంబానికే చెందిన స్కోడా కారును స్వయంగా నడుపుకుంటూ వెళ్లిన భరత్ రాజు, ఆ కారును ఆగి ఉన్న లారీని బలంగా ఢీకొట్టాడు. దీంతో అక్కడికక్కడే ఆయన ప్రాణాలు కోల్పోయాడు. 

ప్రమాద సమయంలో కారులో వోడ్కా మద్యం బాటిళ్లు ఉన్నాయని, వాటిని స్వాధీనం చేసుకున్నామని, భరత్ మద్యం తాగి ఉన్నారా? లేదా? అన్న విషయం పోస్టుమార్టం నివేదికలో వెల్లడవుతుందని తెలిపారు.

ప్రమాదం గురించి ముందే పసిగట్టి బలంగా బ్రేకులు వేసినట్టుగా రోడ్డుపై పడ్డ టైర్ గుర్తులు చూపుతున్నాయని అన్నారు. ప్రమాదంలో ఆయన ఎడమ కాలు, కుడి చెయ్యి విరిగిపోయాయని, తలకు బలమైన గాయం తగిలిందని, తనను తాను కాపాడుకునే ప్రయత్నం చేసేంత సమయం కూడా లేకుండానే ఆయన ప్రాణాలు పోయి ఉండవచ్చని పోలీసులు చెపుతున్నారు.