ఏపీ సీఎం జగన్‌కు పుట్టినరోజు శుభాకాంక్షలు తెలిపిన నారా లోకేష్

శనివారం, 21 డిశెంబరు 2019 (13:49 IST)
ఎప్పుడూ ట్విట్టర్ వేదికగా నువ్వా నేనా అంటూ విమర్శలు గుప్పించే టీడీపీ నేత నారా లోకేష్.. వైసీపీ చీఫ్, సీఎం జగన్మోహన్ రెడ్డి పుట్టిన రోజు సందర్భంగా ఆయనకు శుభాకాంక్షలు వెల్లువెత్తుతున్నాయి. మంత్రులు, ఎమ్మెల్యేలు, ఎంపీలు అందరూ జగన్‌కు సామాజిక మాధ్యమాల ద్వారా శుభాకాంక్షలు తెలియజేశారు. 
 
అయితే ఆంధ్రప్రదేశ్ సీఎంగా బాధ్యతలు చేపట్టిన తర్వాత మొదటి పుట్టిన రోజు జరుపుకుంటున్న జగన్‌కు టీడీపీ నేత నారా లోకేశ్ శుభాకాంక్షలు తెలిపారు. ఆయన ఆయురారోగ్యాలతో ఉండాలని కోరుకుంటున్నట్లు తెలుపుతూ ట్వీట్ చేశారు. 
 
''ఏపీ సీఎం జగన్ గారికి హృదయపూర్వక జన్మదిన శుభాకాంక్షలు. మీరు సుఖ సంతోషాలతో, ఆయురారోగ్యాలతో ఇలాంటి పుట్టినరోజులు మరెన్నో జరుపుకోవాలని కోరుకుంటున్నాను'' అని నారా లోకేశ్ పేర్కొన్నారు. కాగా, ఇప్ప‌టికే ప్రధాని నరేంద్ర మోదీ, కేంద్రమంత్రి నితిన్ గడ్కరీ, మహారాష్ట్ర మాజీ ముఖ్యమంత్రి దేవేంద్ర ఫడ్నవీస్‌లు ఏపీ సీఎం జగన్‌కు శుభాకాంక్షలు తెలియజేశారు. 

వెబ్దునియా పై చదవండి

తర్వాతి కథనం సుందర్ పిచాయ్‌కు స్టాక్ ప్యాకేజీ.. వార్షిక వేతనం రూ.1721 కోట్లు!