ప్రస్తుతం ట్రెండింగ్‌లో ఉన్న పదాలలో ఒకటి "ఆ కుర్చీని మడత పెట్టి" అనేది. ఈ పదంతో మహేష్ బాబు గుంటూరు కారంలో ఒక పాటగా మారింది. అయితే ఎప్పుడూ లెక్కలు వేసుకుని మాట్లాడే విషయంలో జాగ్రత్తగా ఉండే తెలుగుదేశం అధినేత చంద్రబాబు నాయుడు నోటి నుంచి ఈ వైరల్ పదం వస్తుందని అక్షరాలా ఎవరూ ఊహించలేదు.
ఓ కార్యక్రమంలో, చంద్రబాబు నాయుడు మాట్లాడుతూ.. వైరల్ అయిన “కుర్చీని మడత పెట్టి” అనే పదాన్ని ఉపయోగించి అందరినీ ఆశ్చర్యపరిచారు."జగన్... నువ్వు, నీ వైసీపీ వాళ్ళు చొక్కాలు మడతపెడితే, మా తెలుగుదేశం సోదరులు, జనసైనికులు, ప్రజలు కుర్చీలు మడతపెడతారు.
మేము కుర్చీలు మడత పెడితే ఏమవుతుందో తెలుసా... నీ కుర్చీ లేకుండా పోతుంది." అన్నారు. చంద్రబాబు చేసిన కామెంట్స్ ప్రస్తుతం నెట్టింట వైరల్ అవుతున్నాయి.
