చిత్తూరు జిల్లాలో భారీ వ‌ర్షాల‌కు పొంగిపొర్లుతున్న రాయల చెరువు పరిధిలో ముంపు గ్రామాల‌కు హెలికాప్టర్ ద్వారా సాయం అందిస్తున్నారు. వరద ముంపు ప్రాంతాలలో బాధితులకు ఎమ్మెల్యే చెవిరెడ్డి భాస్కర్ రెడ్డి సత్వర సాయం అందించే ప్ర‌య‌త్నం చేశారు.
నేవీ హెలికాప్టర్ ద్వారా స్వయంగా ప్రయాణించిన ఎమ్మెల్యే చెవిరెడ్డి భాస్కర్ రెడ్డి, హర్షిత్ రెడ్డి నిత్యావసర సరుకుల సరఫరా చేస్తున్నారు. రాయల చెరువు పరిసర ప్రాంతంలో నేవీ హెలికాఫ్టర్ లో ఏరియల్ సర్వే ద్వారా వరద నీటితో నిండిన మునక గ్రామాలను ఎమ్మెల్యే చెవిరెడ్డి భాస్కరరెడ్డి పరిశీలించారు.
రామచంద్రాపురం మండలంలోని సి- కాలేపల్లి, చిట్టత్తూరు, రాయలచెరువు, పుల్లమనాయుడు కండ్రిగ, తిరుపతి రూరల్ మండలం వినాయకనగర్ కాలనీలలోని నిర్వాసితులకు నేవీ హెలికాప్టర్ ద్వారా బియ్యం, పప్పు, నూనె వంటి నిత్యావసర సరుకులను అందజేస్తున్నారు. ఎమ్మెల్యే చెవిరెడ్డి తానే స్వయంగా నిత్య‌వాస‌రాల‌ను ముంపు బాధితులకు సరఫరా చేస్తూ, అక్క‌డి ప్ర‌జ‌ల మ‌న్న‌న‌లు పొందుతున్నారు.
