ముగ్గురు పిల్లల తండ్రి... ఆ యువతిని కూడా పెళ్లి చేసుకుంటానని భార్యకు చెప్పీ...

ఆదివారం, 28 జులై 2019 (14:03 IST)
అతడికి అప్పటికే వివాహమైంది. ముగ్గురు పిల్లలు కూడా ఉన్నారు. ఇంతలో పెళ్లి చేసుకుని భర్తకు దూరంగా ఉన్న ఓ మహిళతో ఏర్పడిన పరిచయం కాస్త వివాహేతర సంబంధం పెట్టుకుని చివరకు ప్రాణాలు తీసుకున్నాడు.
 
ఈ ఘటన గుంటూరు జిల్లా మంగళగిరి మండలంలో పాతమంగళగిరి సీతారామస్వామి కోవెల ప్రాంతానికి చెందిన సత్యనారాయణ అనే వ్యక్తికి ఓ మహిళతో వివాహమై ఇద్దరు పిల్లలు ఉన్నారు. అదేసమయంలో ఓ యువతికి వివాహమై గత మూడేళ్లుగా భర్తకు దూరంగా ఉంటోంది. పాతమంగళగిరిలోని పుట్టింట్లో ఉంటోంది. ఈ నేపథ్యంలో వారిద్దరి మధ్య పరిచయం ఏర్పడి వివాహేతర సంబంధానికి దారితీసింది. ఈ విషయం సత్యనారాయణ ఇంట్లో తెలిసింది. 
 
ఆ యువతిని కూడా తాను వివాహం చేసుకుంటానని అతడు భార్యకు చెప్పాడు. ఆ సమాధానం విని భార్య ఖంగుతింది. ఆమెను ఒప్పించే ప్రయత్నం చేశాడు భర్త. అందుకు కుటుంబ సభ్యులు అంగీకరించకపోవడంతో సత్యనారాయణ, ఆ యువతి ఆత్మహత్య చేసుకోవాలని నిర్ణయించుకున్నారు. ఇద్దరూ కలిసి శనివారం మధ్యాహ్నం మంగళగిరి కొండపై పానకాల స్వామిని దర్శించుకున్నారు. అనంతరం నిర్మానుష్య ప్రాంతానికి వెళ్లారు. ఆ తర్వాత ఇద్దరూ విషం సేవించేందుకు ప్రయత్నించారు. 
 
ఈ నేపథ్యంలో సత్యనారాయణ ఆమె చేతిలోని గ్లాసును విసిరికొట్టి, సీసాలోని విషాన్ని తాగేశాడు. అపస్మారక స్థితిలోకి వెళ్లేలోపే... ఆ యువతి తండ్రి అక్కడికి చేరుకుని ఇద్దరినీ ద్విచక్రవాహనంపై కొండ దిగువన ఉన్న ప్రభుత్వ ఆసుపత్రికి తీసుకుని వెళ్లాడు. అప్పటికే సత్యనారాయణ మృతిచెందినట్టు ఆసుపత్రి సిబ్బంది తెలిపారు. స్థానిక పోలీసులు కేసు నమోదు చేసి దర్యాప్తు చేస్తున్నారు. 

వెబ్దునియా పై చదవండి

తర్వాతి కథనం ఫ్రెండ్ సహజీవనం చేస్తున్న యువతితో అక్రమ సంబంధం పెట్టుకునీ...