తమిళనాడులోని కరూర్‌‌లో ప్రియురాలిపై అనుమానం పెంచుకున్న ఓ ప్రియుడు.. ఆమెను దారుణంగా హతమార్చాడు. వివరాల్లోకి వెళితే... కరూర్ జిల్లాకు చెందిన లీలా అనే మహిళకు పదేళ్ల కుమార్తె, ఓ కుమారుడు వున్నాడు. లీలా భర్త మృతి చెందడంతో కుటుంబాన్ని పోషించేందుకు భవన నిర్మాణ కార్మికురాలిగా పనిచేసేది.
పనికెళ్లిన చోట లీలాకు నటరాజన్ అనే వ్యక్తితో అక్రమ సంబంధం ఏర్పడింది. లీలాకు నటరాజన్‌తో గాకుండా ఇతర వ్యక్తులతో పరిచయం ఉండేది. ఈ పరిచయాలతో లీలాపై నటరాజన్‌కు అనుమానం పెరిగింది. దీనిపై నటరాజన్ లీలాను ఖండించినా ఆమెలో మార్పు రాలేదు. దీంతో ఇద్దరి మధ్య వాగ్వివాదం చోటుచేసుకుంది.
ఫలితంగా ఆగ్రహావేశానికి గురైన నటరాజన్ లీలాను కత్తితో నరికి హతమార్చాడు. ఈ ఘటనపై కేసు నమోదు చేసుకున్న పోలీసులు నటరాజన్‌ను అరెస్ట్ చేసి.. దర్యాప్తు జరుపుతున్నారు.
