మంత్రి పెద్దిరెడ్డి రామచంద్రారెడ్డి అవినీతి అనకొండ అంటూ మండిపడ్డారు జడ్జి రామక్రిష్ణ. మంత్రి తోడల్లుడు జస్టిస్. సి.వి.నాగార్జున రెడ్డి తనపై కక్ష కట్టారన్నారు. మంత్రి అక్రమాలు, అవినీతిని బయటపెడతానేమోనన్న భయంతో తనపై అక్రమ కేసులు పెట్టించారని తిరుపతిలో మీడియా సమావేశంలో ఆరోపించారు జడ్జి రామక్రిష్ణ.
నేరానికి తాను పాల్పడినట్లు పెద్దిరెడ్డి రామచంద్రారెడ్డి నిరూపిస్తే నడిరోడ్డుపై తన తల నరుక్కుంటానన్నారు. 24 గంటల్లో పెద్దిరెడ్డి నిరూపించకుంటే రాజకీయ సన్యాయం తీసుకుంటారా అని సవాల్ విసిరారు. జస్టిస్ ఈశ్వర్ గౌడ్ వాయిస్ రికార్డింగ్ ఒరిజినల్ ఆడియో కలిగిన సెల్ ఫోన్‌ను పోలీసులు లాక్కున్నారని ఆరోపించారు. సెల్ ఫోన్‌ను ఎందుకు కోర్టులో డిపాజిట్ చేయలేదని ప్రశ్నించారు.
తన దగ్గర ఉన్న ఆధారాలతో మంత్రి పెద్దిరెడ్డి రామచంద్రారెడ్డిన తీహార్ జైలుకు వెళ్ళడం ఖాయమన్నారు. త్వరలోనే మంత్రి అక్రమాలపై కోర్టుకు కూడా వెళతానన్నారు జడ్జి రామక్రిష్ణ.
