ఏపీలో వైసీపీకి అనుకూల వాతావరణం ఉందంటూ కొన్ని సర్వేలు చెప్తున్నాయి. ఎక్కువ ఎంపీ స్థానాలను వైసీపీ కైవసం చేసుకుంటుందని అంటున్నారు. అయితే వివిధ చోట్ల ఎంపీ స్థానాలకు అభ్యర్థుల ఎంపిక వైసీపీ హైకమాండ్‌కు తలనొప్పిగా మారింది.
ముఖ్యంగా విశాఖలో ఏపీ అభ్యర్థి ఎవరనేది కీలక ప్రశ్నగా వస్తోంది. కాగా, విశాఖ తూర్పు అభ్యర్థిగా సిట్టింగ్ ఎంపీ ఎంవీవీ అసెంబ్లీకి పోటీ చేస్తున్నారు. ఆయన కూడా అసెంబ్లీ వైపే మొగ్గు చూపుతున్నారు. ఈసారి ఈ సీటును బీసీకే ఇవ్వాలని వైసీపీ నిర్ణయించిందన్న మాట బయటకు వచ్చింది. అయితే సీటు ఎవరికి దక్కుతుందో చూడాలి.
పార్టీ ఇద్దరు అభ్యర్థులను పార్టీ పరిశీలిస్తున్నట్లు సమాచారం. మొదటి పేరు ఎమ్మెల్సీ వంశీకృష్ణ శ్రీనివాస్. విశాఖపట్నం తూర్పు నుంచి రెండుసార్లు పోటీ చేసి తనకంటూ ఓ ఇమేజ్‌ను సృష్టించుకున్నారు. అయితే ఆయన ఎంపీగా పోటీ చేయడం కంటే ఎమ్మెల్యే కావాలనుకుంటున్నారు. ఆయన విశాఖపట్నం తూర్పులో పోటీ చేయాలనుకుంటున్నారు.
2వ పేరు గొలగాని హరి వెంకట కుమారి, విశాఖపట్నం మేయర్. ఆమె విద్యావేత్త. మహిళా ప్రతినిధి కావడం ఆమెకు మరో ప్లస్ పాయింట్. వైసీపీ కూడా ఆమె వైపే మొగ్గు చూపుతోందని అంటున్నారు. అంతా సవ్యంగా సాగితే వైసీపీ తరపున విశాఖ ఎంపీ అభ్యర్థిగా విశాఖ మేయర్ పోటీ చేస్తారని అంటున్నారు. వీరిలో ఒక్కరు కూడా లేకుంటే విశాఖలో ఔత్సాహిక పారిశ్రామికవేత్తగా ఉన్న అదే సామాజికవర్గానికి చెందిన నేతకు టిక్కెట్ ఇవ్వాలని వైసీపీ చూస్తోంది.
మొత్తానికి ఈ సారి బీసీ కార్డుతో విశాఖ ఎంపీ సీటును దక్కించుకోవాలని ఆమె భావిస్తున్నారట. మరి వైసీపీ నుంచి ఎంపీ అభ్యర్థి ఎవరో చూడాలి అంటున్నారు.
