లారీల‌కు లారీలు గుట్కా పాకెట్లు అక్రమంగా తరలిస్తున్నముఠాను పోలీసులు అరెస్టు చేశారు. వారి నుంచి 32 లక్షల విలువ చేసే గుట్కా పదార్థాలు, ఐచర్ వాహనం స్వాధీనం చేసుకున్నారు. రాష్ట్రంలో నిషేధిత గుట్కా ఈ మ‌ధ్య ఎక్క‌డు చూసినా విచ్చ‌ల‌విడిగా క‌నిపిస్తోంది. మార్కెట్లో దొంగ‌చాటుగా అమ్మేస్తున్నారు. దీనితో పోలీసులు బోర్డ‌ర్ల వ‌ద్ద అల‌ర్టె అయ్యారు.
అనంతపురం జిల్లా డి.హీరేహాళ్ పోలీసులు గుట్కా అక్రమ రవాణాపై ఉక్కుపాదం మోపారు. జిల్లా ఎస్పీ డాక్టర్ ఫక్కీరప్ప కాగినెల్లి ఆదేశాల మేరకు కళ్యాణదుర్గం ఇన్ఛార్జి డీఎస్పీ ఆంథోనప్ప, రాయదుర్గం రూరల్ సి.ఐ రాజా, డి.హీరేహాళ్ ఎస్సై రామకృష్ణారెడ్డి ఆధ్వర్యంలో పోలీసులు గుట్కా పాకెట్లు అక్రమంగా తరలిస్తున్న ఇద్దరిని అరెస్టు చేశారు. వీరి నుండి రూ. 31.20 లక్షల విలువ చేసే గుట్కా పదార్థాలు, ఐచర్ వాహనం స్వాధీనం చేసుకున్నారు.
