చంద్రబాబు హీరోగా వేషం వేస్తే.. హీరోయిన్ ఎవరో తెలుసా? : ఫ్రెండ్ చెప్పిన ఆసక్తికర విషయం!

ఆగస్టు 7వ తేది. స్నేహితుల దినోత్సవం. ఈరోజున ఏపీ ముఖ్యమంత్రి, టీడీపీ అధినేత చంద్రబాబు నాయుడికి గత 55 యేళ్లుగా మిత్రుడిగా ఉన్న వ్యక్తి పలు ఆసక్తికర విషయాలు వెల్లడించారు.

ఆగస్టు 7వ తేది. స్నేహితుల దినోత్సవం. ఈరోజున ఏపీ ముఖ్యమంత్రి, టీడీపీ అధినేత చంద్రబాబు నాయుడికి గత 55 యేళ్లుగా మిత్రుడిగా ఉన్న వ్యక్తి పలు ఆసక్తికర విషయాలు వెల్లడించారు. ఆయన పేరు గిరిధర్ రెడ్డి. తిరుపతి సమీపంలోని తొండివాడలో నివసిస్తున్నారు. వీరిద్దరు చంద్రగిరి ప్రభుత్వ ఉన్నత పాఠశాలలో చదువుతున్నప్పటినుంచి వీరు స్నేహం కొనసాగుతూ వస్తోంది. ఇంటర్, డిగ్రీలోనూ వీరు కలిసి చదువుకున్నారు. ఇద్దరు కలిసి, మెలిసి తిరిగారు. గత 55 యేళ్లుగా వీరిద్దరు వీరిద్దరు స్నేహితులు. 

స్నేహితుల దినోత్సవం రోజున చంద్రబాబు గురించి గిరిధర్ రెడ్డి మాట్లాడుతూ చంద్రబాబు కాలేజీ రోజుల్లో నాటకాలు వేసేవారు. చంద్రబాబు హీరో వేషం వేస్తే, ప్రస్తుత చిత్తూరు ఎంపీ శివప్రసాద్ హీరోయిన్ వేషం వేసేవారని చెప్పారు. ఆ రోజుల్లో చంద్రబాబు సేద్యం చేసేవాడని, నాగలి కూడా దున్నేవాడని, వాళ్ల నాన్నకు సహాయ సహకారాలు అందించేవాడని తెలిపారు. చిన్నప్పటి నుంచి పని రాక్షసుడని, వినాయక యువజన సంఘం ఏర్పాటు చేసి అందరిని ఒక తాటిపైకి తీసుకువచ్చి అందరిచేత శ్రమధానం చేయించేవారని గిరిధర్ రెడ్డి పాత జ్ణాపకాలను నెమరేసుకున్నారు. 

చిన్నప్పటినుంచే చంద్రబాబులో నాయకత్వ లక్షణాలు కనిపించాయని, కానీ సీఎం అవుతాడని ఊహించలేదని అంటున్నాడు. చంద్రబాబుకు మిత్రుడిగా ఉండటం తన అదృష్టమని, ఆయనే తన హీరో అంటున్నారు గిరిధర్. నారావారి పల్లెకు వెళ్లినప్పుడు గిరిధర్‌ను చంద్రబాబు తప్పక కలుస్తారట.