భారత క్రికెటర్ శ్రేయాస్ అయ్యర్‌ను నటి, రియాలిటీ టీవీ స్టార్ ఎడిన్ రోజ్ వివాహం చేసుకున్నారు. దుబాయ్‌లో ఉండే ఆమె... తాజాగా శ్రేయాస్ అయ్యర్‌ను ఉద్దేశించి ఆశ్చర్యకరమైన, ఉద్వేగభరితమైన వ్యాఖ్యలతో సోషల్ మీడియాలో సంచలనం సృష్టిస్తున్నానాయి.
బిగ్ బాస్ 18 ద్వారా గుర్తింపు పొందిన ఈమె, ఇటీవలే ఫిల్మీజ్ఞాన్‌కు ఇచ్చిన ఒక ఇంటర్వ్యూలో, టీమిండియా ఆటగాడు శ్రేయస్ అయ్యర్ పట్ల తనకున్న ఆరాధనా భావాన్ని వ్యక్తం చేసింది. అంతేకాదు, తాను మానసికంగా ఇప్పటికే అతడిని వివాహం చేసుకున్నట్లుగా భావిస్తున్నానని చెప్పి అందరినీ ఆశ్చర్యానికి గురిచేసింది.
ఎడిన్ రోజ్ మాట్లాడుతూ, "అతని పిల్లలకు నేనే తల్లిని అని అనుకుంటున్నాను, నా మనసులో ఇప్పటికే అతడితో నాకు పెళ్లయిపోయింది" అని తెలిపింది. ఆమె చేసిన ఈ భావోద్వేగపూరితమైన వ్యాఖ్యలు క్షణాల్లో వైరల్‌గా మారి, అటు నటి అభిమానుల్లో, ఇటు క్రికెటర్ అభిమానుల్లో తీవ్ర చర్చనీయాంశమయ్యాయి. ఈ వ్యాఖ్యలతో ఇంటర్నెట్లో పెద్ద దుమారమే రేగింది.
శ్రేయాస్ అయ్యర్ ఈ వ్యాఖ్యలపై ఇప్పటివరకు బహిరంగంగా స్పందించనప్పటికీ, ఎడిన్ మాటలు సోషల్ మీడియాలో అనేక ఊహాగానాలకు దారితీశాయి. ఈ బహిరంగ ప్రేమ ప్రకటన నిజ జీవిత బంధానికి దారితీస్తుందా అని అభిమానులు ఆసక్తిగా ఎదురుచూస్తున్నారు.
దుబాయ్‌లోనే పెరిగిన ఎడిన్, తన బహుళ సాంస్కృతిక నేపథ్యం గురించి తరచూ ప్రస్తావిస్తుంటారు. ఈ నేపథ్యమే విభిన్న ప్రేక్షకులతో మమేకమవడానికి తనకు సహాయపడుతుందని ఆమె నమ్ముతారు. క్రికెట్ మైదానంలో ప్రశాంతమైన ప్రవర్తన, స్థిరమైన నాయకత్వ లక్షణాలకు పేరుగాంచిన అయ్యర్‌పై ఆమెకున్న అభిమానం కేవలం సెలబ్రిటీ ఆకర్షణకు మించినదిగా కనిపిస్తోంది.
"అతను ప్రతిరోజూ నన్ను స్ఫూర్తితో నింపుతాడు. అతని వినయం, ఏకాగ్రత, అతను నడుచుకునే తీరు... ఇవే నేను నిజంగా ఆరాధించే లక్షణాలు" అని ఎడిన్ రోజ్ వివరించింది. ఆమె వ్యాఖ్యల నేపథ్యంలో, నెటిజన్లు మీమ్స్, అభిమానుల స్పందనలు, వారిద్దరి పేర్లను కలుపుతూ సరదా పేర్లతో సోషల్ మీడియాలో హోరెత్తిస్తున్నారు.
