చిత్తూరు జిల్లా కుప్పంలో టీడీపీ అధినేత చంద్రబాబు నాయుడు పర్యటిస్తున్నారు. రెండో రోజు కుప్పంలో పర్యటించిన ఆయన ఇంటింటి ప్రచారం నిర్వహించారు. ఈ సందర్భంగా ఆయన పార్టీ కార్యకర్తలు, నాయకులతో కలిసి ఇంటింటికి వెళ్లి స్థానికులు ఎదుర్కొంటున్న సమస్యలను అడిగి తెలుసుకుని వారి సమస్యలతో కూడిన వినతి పత్రాలను స్వీకరించారు.
స్థానికులు చంద్రబాబుకు ఘనస్వాగతం పలికి కుప్పంలో ఈసారి లక్ష ఓట్ల మెజార్టీతో గెలుపొందడం ఖాయమని ధీమా వ్యక్తం చేశారు. రెండు నెలల్లో టీడీపీ ప్రభుత్వం ఏర్పాటవుతుందని హామీ ఇచ్చారని, అనంతరం చేపట్టబోయే అభివృద్ధి కార్యక్రమాలను చంద్రబాబు వివరించారు.
కాకినాడ శివాలయంలో పూజారిపై వైసీపీ నేత చేసిన దాడిని చంద్రబాబు తీవ్రంగా ఖండించారు. మన సంస్కృతి, సంప్రదాయాల పట్ల వైసీపీ నేతల అగౌరవానికి అద్దం పట్టే ఈ ఘటన దారుణమైన చర్యగా అభివర్ణించారు. దేవునికి, భక్తులకు మధ్య అర్చకులను మధ్యవర్తులుగా ఆరాధించే సంప్రదాయం మనది.
అలాంటి పూజారులపై భక్తుల ముందు దాడి చేయడం హేయమైన చర్య. ఈ ఘటన వైసీపీ నేతల అధికార మత్తులో మన సంస్కృతి, సంప్రదాయాల పట్ల ఏ మాత్రం నిరాదరణకు గురిచేస్తోంది.
ఈ ప్రభుత్వం అధికారంలోకి వచ్చినప్పటి నుంచి ఆలయాల్లోని విగ్రహాలపై వరుసగా దాడులు జరుగుతున్నాయి. ఇప్పుడు ఆలయ ప్రాంగణంలోనే అర్చకులపై దాడులకు దిగిన పరిస్థితి నెలకొంది. నిందితులపై ప్రభుత్వం తక్షణమే తగిన చర్యలు తీసుకోవాలి" అని చంద్రబాబు అన్నారు.
