లోకేష్‌కు తెలంగాణ రాష్ట్ర బాధ్యతలా? ఎందుకు : టీటీడీపీ నేతలతో చంద్రబాబు
తన కుమారుడు, టీడీపీ జాతీయ ప్రధాన కార్యదర్శి నారా లోకేష్‌కు తెలంగాణ రాష్ట్ర బాధ్యతలు అప్పగించలేనని తనను కలిసిన టీ టీడీపీ నేతలతో ఏపీ ముఖ్యమంత్రి, టీడీపీ అధ్యక్షుడు నారా చంద్రబాబు నాయుడు అన్నారు.
తన కుమారుడు, టీడీపీ జాతీయ ప్రధాన కార్యదర్శి నారా లోకేష్‌కు తెలంగాణ రాష్ట్ర బాధ్యతలు అప్పగించలేనని తనను కలిసిన టీ టీడీపీ నేతలతో ఏపీ ముఖ్యమంత్రి, టీడీపీ అధ్యక్షుడు నారా చంద్రబాబు నాయుడు అన్నారు. తెలంగాణ టీడీపీ నేతలతో విజయవాడలో సమావేశమయ్యారు. ఈ సందర్భంగా టీ టీడీపీ నేతలు మాట్లాడుతూ లోకేశ్‌కు తెలంగాణ పార్టీ బాధ్యతలు అప్పగించాలని వారు చంద్రబాబును కోరారు.
దీనిపై చంద్రబాబు స్పందిస్తూ... అది సాధ్యం కాదని, లోకేశ్‌ను ఏపీలో మంత్రి పదవి అప్పగించాలని అనుకుంటున్నామన్నారు. కాగా, లోకేశ్‌కు మంత్రి పదవి అప్పగించడం ఖాయమైంది. దీనిపై కొన్నాళ్లుగా వస్తున్న ఊహాగానాలు వస్తున్న విషయం తెల్సిందే. ఈ సందర్భంగా తెలంగాణలో రాజకీయ పరిస్థితిపై చర్చించారు. టీఆర్‌ఎస్‌ ప్రభుత్వంపై వ్యతిరేకత పెరుగుతోందని టీడీపీ నేతలు అభిప్రాయపడ్డారు.
