ఏపీలో కాంగ్రెస్ పార్టీ తరపున ఎన్నికల ప్రచారానికి వైఎస్ షర్మిల నాయకత్వం వహించిన సంగతి తెలిసిందే. ప్రస్తుతం వైఎస్ షర్మిల భర్త తోడయ్యారు. ఏపీ సీఎం వైఎస్ జగన్‌పై తీవ్ర స్థాయిలో విరుచుకుపడ్డారు. ఈసారి ఆమె భర్త అనిల్ కుమార్ తన బావ వైఎస్ జగన్ మోహన్ రెడ్డిపై షాకింగ్ వ్యాఖ్యలు చేశారు. అమలాపురం ఇందుపల్లిలో జరిగిన పాస్టర్ల సమావేశంలో జగన్‌పై సంచలన వ్యాఖ్యలు చేశారు.
జగన్ రెడ్డికి అందరూ ఓట్లు వేయడానికి కారణం ఆయన వైఎస్ రాజశేఖర్ రెడ్డి కొడుకు కావడమే. కానీ ఈ జగన్ పాలనలో మనం సువార్త సభ కూడా స్వేచ్ఛగా నిర్వహించలేకపోయాం. జగన్ పాలనలో అందరూ కష్టపడుతున్నారని అనిల్ కుమార్ వ్యాఖ్యానించారు.
2024 ఎన్నికల్లో జగన్‌కు అండగా నిలిచిన సామాజికవర్గంతో నేరుగా సీఎంపై విమర్శలు చేస్తూ పాస్టర్ల సమావేశంలో అనిల్ జగన్‌కు వ్యతిరేకంగా మాట్లాడారు. ప్రస్తుతం అనిల్ కామెంట్స్ నెట్టింట వైరల్ అవుతున్నాయి.
