ఆ పనిచేయడంలో బాబు కన్నా బాలక్రిష్ణే బెటర్... ఎమ్మెల్యే రోజా...
సంచలనానికి మారుపేరు రోజా. ఆమె నోరు తెరిచిందంటే చాలు, ప్రత్యర్థులు నోరు మూసుకోవాల్సిందే. అధికార తెలుగుదేశం పార్టీ నేతలైతే చెప్పనవసరం లేదు. చెవులు, నోరు రెండూ మూసేసుకుంటారు. వ్యక్తిగతంగా కూడా రోజా విమర్శలు చేస్తూ ఎప్పుడూ వార్తల్లో నిలుస్తుంది. వైజాగ్‌ల
సంచలనానికి మారుపేరు రోజా. ఆమె నోరు తెరిచిందంటే చాలు, ప్రత్యర్థులు నోరు మూసుకోవాల్సిందే. అధికార తెలుగుదేశం పార్టీ నేతలైతే చెప్పనవసరం లేదు. చెవులు, నోరు రెండూ మూసేసుకుంటారు. వ్యక్తిగతంగా కూడా రోజా విమర్శలు చేస్తూ ఎప్పుడూ వార్తల్లో నిలుస్తుంది. వైజాగ్‌లో జరుగుతున్న మహానాడును పనికిరాని మహానాడంటూ వ్యాఖ్యలు చేశారు. అంతటితో ఆగలేదు. తెలుగుదేశం పార్టీకి చంద్రబాబు కన్నా బాలక్రిష్ణే ఎంతో బెటరని, బాబు నోరు తెరిస్తే అంతా అబద్ధాలేనన్నారామె.
ప్రజలను మోసం చేయడంలో బాబును మించిన సిద్ధహస్తుడు మరొకరు లేరని, మసిబూసి మారేడు కాయి చేయడంలో బాబుది అందవేసిన చేయిగా అభివర్ణించారు. మామను వెన్నుపోటు పొడిచిన బాబు ఏమీ తెలియని అమాయకుడి లాగా ఎన్టీఆర్‌కు భారతరత్న ఇవ్వాలని చెప్పడం మరింత విడ్డూరమన్నారు. ప్రజలు బాబు పాలనపై విసిగిపోయారని, తెలుగుదేశం పార్టీకి చంద్రబాబుకన్నా బాలక్రిష్ణ అధ్యక్షుడుగా ఉండటం ఉత్తమమని చెప్పారు.
ఎన్‌టిఆర్ ఆశలు, ఆశయాలు నెరవేరాలంటే బాలక్రిష్ణకు పార్టీ అధ్యక్ష పదవి ఇవ్వాలంటున్నారు రోజా. అయితే రోజా వ్యాఖ్యలపై టిడిపి నాయకులు ఎలాంటి వ్యాఖ్యలు చేయలేదు. ఎందుకంటే మహానాడులో నాయకులందరూ బిజీగా ఉండటంతో ఆమె వ్యాఖ్యలు టిడిపి నేతలు పెద్దగా పట్టించుకున్నట్లు లేదు.
