ఆంధ్రప్రదేశ్ రాష్ట్రంలో గ్రూపు-1, గ్రూపు-2 పోస్టుల భర్తీ కోసం ప్రభుత్వం పచ్చజెండా ఊపింది. మొత్తం 597 పోస్టుల భర్తీకి అనుమతి ఇస్తూ ప్రభుత్వం ఉత్తర్వులు జారీచేసింది. ఈ పోస్టులను ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) ద్వారా భర్తీ చేయనున్నారు. గ్రూపు-1లో 89, గ్రూపు-2లో 508 పోస్టులను అర్హత కలిగిన అభ్యర్థులను భర్తీ చేయనున్నారు.
గ్రూపు-1 కేటగిరీలో డిప్యూటీ కలెక్టర్లు, డీఎస్సీ కేటగిరీ-2, అసిస్టెంట్ కమిషనర్ (ఎస్టీ), అసిస్టెంట్ ట్రెజరీ ఆఫీసర్ పోస్టులతో సహా పలు ఉద్యోగులకు ఉత్తర్వులు జారీ అయ్యాయి. అదేవిధంగా గ్రూపు-2 విభాగం కింద డిప్యూటీ తాహశీల్దార్లు, అసిస్టెంట్ సెక్షన్ ఆఫీసర్, ఎక్సైజ్ సబ్ ఇన్‌స్పెక్టర్, మున్సిపల్ కమిషనర్ గ్రేడ్-3, సబ్ రిజిస్ట్రార్ గ్రేడ్-2తో సహా పలు ఉద్యోగాలు భర్తీ చేసేందుకు అనుమతి అమజూరైంది.
