ఆంధ్రప్రదేశ్ రాష్ట్ర శాసన సభ సమావేశాలు ఈ నెల 24వ తేదీ నుంచి ప్రారంభంకానున్నాయి. ఇవి 26వ తేదీ వరకు అంటే మూడు రోజుల పాటు నిర్వహిస్తారు. ఇందులో అసెంబ్లీకి కొత్త స్పీకర్ ఎన్నికతో పాటు శాసనసభ్యుల ప్రమాణ స్వీకారోత్సవ కార్యక్రమం ఉంటుంది. ఇటీవల ముగిసిన సార్వత్రిక ఎన్నికల్లో టీడీపీ, జనసేన, బీజేపీ పార్టీల కూటమి ఘన విజయం సాధించి అధికారంలోకి వచ్చిన విషయం తెల్సిందే. ఈ నేపథ్యంలో ఏపీ నూతన అసెంబ్లీ తొలి సమావేశాలు 24 నుంచి నిర్వహించాలని ప్రభుత్వం నిర్ణయించింది. 24వ ప్రారంభమై 26వ తేదీతో ముగుస్తాయి.
ఇందులో రాష్ట్రంలో ఎన్నికలు పూర్తయినందున ఈ నెల 24వ ప్రారంభమయ్యే సమావేశాల్లో తొలుత ప్రొటెం స్పీకర్‌ను ఎన్నుకుంటారు. ఆయన నూతనగా ఎన్నికైన ఎమ్మెల్యేలతో అసెంబ్లీలో ప్రమాణ స్వీకారం చేయిస్తారు. నిజానికి ఈ సమావేశాలను ఈ నెల 19వ తేదీనే నిర్వహించాల్సి వుంది. కానీ, గవర్నర్ అబ్దుల్ నజీర్ బక్రీద్ సెలవుల్లో ఉండటంతో ఏపీ అసెంబ్లీ సమావేశాలను ఈ నెల 21వ తేదీకి వాయిదా వేశారు.
ఈ నెల 24వ తేదీన ప్రొటెం స్పీకర్‌ను ఎన్నుకుంటారు. ఆ తర్వాత కొత్త ఎమ్మెల్యేలతో ఆయన ప్రమాణ స్వీకారం చేయిస్తారు. ఆ పిమ్మట కొత్త స్పీకర్‌గా టీడీపీ సీనియర్ నేత చింతకాయల అయ్యన్నపాత్రుడిని ఎన్నుకునే అవకాశాలు పుష్కలంగా ఉన్నాయి. మరోవైపు, డిప్యూటీ స్పీకర్ పదవిని జనసేన పార్టీకి ఇస్తారనే ప్రచారం సాగుతుంది.
