ఇత‌న్ని చూస్తూ, ఎవ‌రైనా స‌రే... న‌మ‌స్తే ఎస్సై గారూ...అంటారు. అంత ప‌క్కాగా పోలీస్ డ్రెసింగ్ లో ఉంటాడు ఎపుడూ. కానీ, న‌మ్మారో, మీకు చుక్క‌లు చూపిస్తాడు. అత‌డే నకిలీ పోలీస్ ఎస్సై మహేష్.
విశాఖ జిల్లా అనకాపల్లిలో ఈ నకిలీ ఎస్సై హల్ చల్ చేస్తున్నాడు. ఖాకీ డ్రెస్ మీద మక్కువతో నకిలీ ఎస్ఐ అవతారమెత్తిన ఈ యువ‌కుడి పేరు పూడి మహేష్. సదరు నకిలీ ఎస్సై మహేష్ బాబుది వీరభద్ర పేట గ్రామం, చీడికాడ మండలంగా పోలీసులు గుర్తించారు.
ఇత‌గాడు, చోడవరం శ్రీనిధి నెట్ సెంటర్లో తప్పుడు ఐడిని ముద్రించుకుని నకిలీ ఎస్ఐ పూడి మహేష్ గా చెలామ‌ణి అవుతున్నాడు. ఖాకీ డ్రెస్ లో ఉన్న అతనపై అనుమానంతో వెంటాడి, చివ‌రికి ఆ నకిలీ ఎస్ఐ ని రింగ్ రోడ్ లో అస‌లు ఎస్ ఐ ధనుంజయ్ ప‌ట్టుకున్నారు.
నకిలీ ఎస్ఐ అవతారంలో ఇత‌గాడు రెండు,మూడు చోట్ల ....నేను ఎస్సై అని చెప్పుకుని... కొంతమంది వ్యక్తులను మోసం చేశాడ‌ని తేలింది. ఇంత‌కీ ఈ నకిలీ పోలీస్ వేషంలో ఎన్ని మోసాలు, నేరాలు చేశాడ‌నే లెక్క‌లు తేల్చ‌డంలో నిజ‌మైన పోలీసులున్నారు.
