Select Your Language

Notifications

webdunia
webdunia
webdunia
webdunia

టమోటా పప్పుతో ఆరోగ్యానికి మేలెంతో తెలుసుకోండి?

టమోటా పప్పుతో ఆరోగ్యానికి మేలెంతో తెలుసుకోండి?
, శనివారం, 20 జూన్ 2015 (15:33 IST)
టమోటాలను వంటల్లో చేర్చుకోవడం ద్వారా ఆరోగ్యానికి ఎంతో మేలు చేకూరుతుంది. కంటి దృష్టి లోపాలను సరిచేసి, కంటి ఆరోగ్యానికి మేలు చేసే టమోటా.. లోబీపి నివారిస్తుంది. డయాబెటిస్‌, చర్మ వ్యాధులను, యూరినరీ ఇన్ఫెక్షన్లను దూరం చేస్తుంది. అలాంటి టమోటా, పప్పుతో కూర ట్రై చేస్తే ఎలా ఉంటుందో చూద్దాం.. 
 
కావలసిన పదార్థాలు :
టమోటాలు - పావు కేజీ  
కందిపప్పు - పావు కేజీ 
పచ్చిమిర్చి ముక్కలు - నాలుగు 
కరివేపాకు, కొత్తిమీర తరుగు - అర కప్పు 
కారం - అర టీ స్పూన్
పసుపు - 1 చిటికెడు
పోపు - సరిపడినంత
ఎండు మిర్చి- 1 
ఉల్లిపాయ తరుగు - ఒక కప్పు 
ఇంగువ- చిటికెడు
నూనె, ఉప్పు, చింతపండు - తగినంత 
 
తయారీ విధానం :
ముందుగా కందిపప్పును బాగా ఉడికించాలి. సగానికి ఉడికిన తర్వాత.. టమోటా ముక్కలు, ఉల్లిపాయ తరుగు చేర్చుకోవాలి. ఉప్పు, పసుపు, కారం, చింతపండు పులుసు పోసి ఉల్లిపాయ ఉడికేంతవరకు ఉంచి, అనంతరం బాణలి నూనె వేడయ్యాక పోపుగింజలు, కరివేపాకు, వెల్లుల్లి రెబ్బ, ఇంగువ, కొత్తిమీర వేసి వేయించి పప్పులో వేసి బాగా కలిపి దించుకోవాలి. అంతే టమోటా పప్పు రెడీ.

Share this Story:

Follow Webdunia telugu