ఇంటి వాస్తు బాగుంటే మంచి సంతానం కలుగుతుందా?
ఇంటి వాస్తు బాగుంటే మంచి సంతానం కలుగుతుందా అనే సందేహం ప్రతి ఒక్కరిలోనూ నెలకొంటుంది. నిజానికి వాస్తు బాగుంటే ఒక్క మన ఇల్లే కాదు.. ఈ సమాజం కూడా బాగుపడుతుందని వాస్తుశాస్త్ర నిపుణులు అభిప్రాయపడుతున్నారు. వాస్తుకు వసుధైక కుటుంబానికి సంబంధం ఉందని వారు అంటున్నారు. మన అలవాట్లను, ఆలోచనా విధానాలను అనుక్షణం ప్రభావం చేసేవి మన చుట్టూ ఉండే పంచభూతాలేనని వారు అంటున్నారు. ఎక్కడైతే వికృత ప్రకృతి ఉంటుందో ఆ గృహ సముదాయంలోంచి సామాజిక సంఘర్షణలు, సమస్యలు పుట్టుకొస్తాయని చెపుతున్నారు. పరిసరాల మార్పు మనలో ఆనందపు మార్పులను ఆవిష్కరిస్తుందని అభిప్రాయపడుతున్నారు. సృష్టి క్రమంలో మార్పు అనివార్యమని, అందువల్ల వాస్తు మంచి గృహం మంచి సమాజానికి నాంది పలుకుతుంది. ఆ విధంగా ఉత్తమ సంతానానికి ఉత్తమ గృహం (పక్కా వాస్తుతో కూడిన ఇల్లు) ఎంతో శ్రేష్టమని చెపుతున్నారు.
