సూర్య సోదరుడు కార్తి హీరోగా, రీమాసేన్- ఆండ్రియా జెరోమియా హీరోయిన్లుగా నటిస్తోన్న చిత్రం "యుగానికి ఒక్కడు". పలు విజయవంతమైన చిత్రాలను తెలుగు ప్రేక్షకులకు అందించిన సుప్రసిద్ధ దర్శకుడు శ్రీ రాఘవ 40 కోట్ల రూపాయల భారీ వ్యయంతో ఈ చిత్రాన్ని నిర్మించారు.
డ్రీమ్ వ్యాలీ కార్పొరేషన్ పతాకంపైన నిర్మించిన యుగానికి ఒక్కడు చిత్రం గురించి చిత్ర సమర్పకులు ఆర్. రవీంద్రన్ మాట్లాడుతూ.. రాఘవ దర్శకత్వంలో నిర్మించిన ద్విభాషా చిత్రం "యుగానికి ఒక్కడు"కి సంబంధించిన కార్యక్రమాలు శరవేగంగా జరుగుతున్నాయని చెప్పారు.
ప్రస్తుతం రీ-రికార్డింగ్ పూర్తి మిక్సింగ్ కార్యక్రమాల్లో ఉన్న "యుగానికి ఒక్కడు" సైంటిఫిక్ ఫాంటసీ థ్రిల్లర్‌గా దర్శకుడు రూపొందించారని సమర్పకులు తెలియజేశారు. తప్పకుండా ఈ చిత్రం క్లాసు, మాసు అని కాకుండా అన్ని తరగతుల వారి ఆదరణను పొందుంతుందని రవీంద్రన్ నమ్మకం వ్యక్తం చేశారు.
పార్తీబన్, ప్రతాప్ పోతన్ ఇతర ముఖ్య పాత్రలను పోషించిన ఈ చిత్రానికి కథ, స్క్రీన్ ప్లే, దర్శకత్వం- శ్రీ రాఘవ.
