బంగార్రాజు కోసం మరో హాట్ బ్యూటీ రచ్చ చేసేందుకు సిద్ధం అవుతోంది. అక్కినేని నాగార్జున, నాగ చైతన్య మల్టీస్టారర్‌గా తెరకెక్కుతున్న చిత్రం 'బంగార్రాజు'. క్యాన్ కృష్ణ కురసాల దర్శకత్వంలో తెరకెక్కిన ఈ సినిమా సంక్రాంతి కానుకగా జనవరి 14న విడుదల చేయనున్నారు.
ఇక ఈ మూవీలో రమ్య కృష్ణ, కృతి శెట్టి హీరోయిన్లుగా నటిస్తున్నారు. ఈ సినిమాలో 'జాతిరత్నాలు' ఫేమ్ చిట్టి ఫరియా అబ్దుల్లా ఐటెం సాంగ్‌తో రెచ్చిపోయిన సంగతి తెలిసిందే.
ఇక తాజాగా ఈ సినిమాలో మరో హిట్ బ్యూటీ రచ్చ చేయడానికి రెడీ అయ్యింది. హుషారు సినిమాతో టాలీవుడ్ ఎంట్రీ ఇచ్చి జాంబీ రెడ్డి చిత్రంతో మంచి గుర్తింపు తెచ్చుకున్న దక్ష నగార్కర్ బంగార్రాజు చచిత్రంలో అక్కినేని సోగ్గాళ్ళతో చిందులు వేయనుంది. ఈ విషయాన్ని చిత్ర బృందం అధికారికంగా వెల్లడించింది.
