Select Your Language

Notifications

webdunia
webdunia
webdunia
webdunia

మద్యం సేవించి అతివేగంతో కారు నడిపి ఆమె మృతి కారణమయ్యాడు.. యువ హీరో అరెస్టు

బెంగాల్ పోలీసుల యువ హీరోను అరెస్టు చేశారు. బెంగాలీ మోడల్, యాంకర్ సోనికా సింగ్ మృతి కేసులో ఈ యువ హీరో విక్రమ్ చటర్జీని అరెస్టు చేశారు. మద్యం సేవించి అతి వేగంతో కారు నడిపి సోనికా సింగ్ మృతికి కారణమయ్యాడ

మద్యం సేవించి అతివేగంతో కారు నడిపి ఆమె మృతి కారణమయ్యాడు.. యువ హీరో అరెస్టు
, శుక్రవారం, 7 జులై 2017 (11:12 IST)
బెంగాల్ పోలీసుల యువ హీరోను అరెస్టు చేశారు. బెంగాలీ మోడల్, యాంకర్ సోనికా చౌహాన్ సింగ్ మృతి కేసులో ఈ యువ హీరో విక్రమ్ చటర్జీని అరెస్టు చేశారు. మద్యం సేవించి అతి వేగంతో కారు నడిపి సోనికా చౌహాన్ సింగ్ మృతికి కారణమయ్యాడన్నది విక్రమ్ చటర్జీపై ప్రధాన ఆరోపణ.
 
గడచిన ఏప్రిల్ 29న వీరిద్దరూ ఓ పార్టీలో పాల్గొన్నారు. ఇద్దరూ కలసి మందు కొట్టారు. ఆపై కారులో తిరిగి వస్తున్న వేళ, మితిమీరిన వేగం కారణంగా అదుపు తప్పి పల్టీలు కొట్టి ఫుట్‌పాత్ పైకి వెళ్లి, ఓ దుకాణాన్ని ఢీ కొట్టింది. ఈ ఘటనలో సోనికా అక్కడికక్కడే మృతి చెందగా, విక్రమ్‌కు తీవ్ర గాయాలు అయ్యాయి. 
 
అయితే, వీరిద్దరూ మద్యం సేవిస్తూ తీసుకున్న ఫోటోలను ఆ స్పాట్ నుంచి తమ స్నేహితులకు షేర్ చేశారు. ఈ ఫోటోలే ఈ కేసులో అత్యంత కీలకంగా మారాయి. ఈ ఫోటోల ఆధారంగా చేసుకుని విక్రమ్ చటర్జీని పోలీసులు అరెస్టు చేశారు. కాగా, విక్రమ్‌పై అభియోగాలు రుజువైతే 2 నుంచి పదేళ్ల వరకూ జైలుశిక్ష పడవచ్చని న్యాయ నిపుణులు అంచనా వేస్తున్నారు. 

Share this Story:

Follow Webdunia telugu

తర్వాతి కథనం

బర్త్‌డే పార్టీలో ఫుల్ ఎంజాయ్ చేసి ఐస్ క్రీమ్ బ్యూటీ...