హిందీలోకి ''బిచ్చగాడు'': అక్కడా విజయ్ ఆంటోనీనే హీరోనా...? సిద్ధార్థ్, జీవీల సంగతి?

తమిళంలో పిచ్చైకారన్‌గా విడుదలై భారీ కలెక్షన్స్ సాధించిన 'బిచ్చగాడు' తెలుగులోనూ కలెక్షన్ల పరంగా అంతే వేగంతో పరుగులు తీశాడు. తెలుగులోకి తమిళ డబ్బింగ్ సినిమాగా వచ్చిన బిచ్చగాడుకు ప్రేక్షకులు బ్రహ్మరథం పట్టారు. ఇప్పటికీ నిర్మాతకు కోట్లాది రూపాయల లాభాలను

తమిళంలో పిచ్చైకారన్‌గా విడుదలై భారీ కలెక్షన్స్ సాధించిన 'బిచ్చగాడు'
 తెలుగులోనూ కలెక్షన్ల పరంగా అంతే వేగంతో పరుగులు తీశాడు. తెలుగులోకి తమిళ డబ్బింగ్ సినిమాగా వచ్చిన బిచ్చగాడుకు ప్రేక్షకులు బ్రహ్మరథం పట్టారు. ఇప్పటికీ నిర్మాతకు కోట్లాది రూపాయల లాభాలను సంపాదించిపెట్టిన బిచ్చగాడు.. శతదినోత్సవానికి రెడీ అవుతున్నాడు.

ఇప్పటికే 70 శాతం ఆక్యుపెన్సీ రేటుతో బిచ్చగాడు కొన్ని కేంద్రాల్లో అదరగొట్టేస్తున్నాడు. అద్భుత టేకింగ్, అమ్మ సెంటిమెంట్‌, లవ్ సమ్మిళితమైన ఈ సినిమా తెలుగులో అదరగొట్టేసిన నేపథ్యంలో.. హిందీలో కూడా సినిమాను రీమేక్ చేయాలని.. విజయ్ ఆంటోనీనే హీరోగా.. శశినే దర్శకుడిగా రూపొందించాలనుకుంటున్నారు. 

కానీ విజయ్ ఆంటోనీ, శశి కాంబో హిందీకి ప్లస్ అవుతుందా లేకుంటే వేరొక బాలీవుడ్ నటుడితో ఈ సినిమాను తెరకెక్కిద్దామా అంటూ ప్లాన్ చేస్తున్నట్లు తెలిసింది. ప్రస్తుతం సైతాన్ సినిమా (తెలుగులో బేతాళుడు) షూటింగ్‌లో విజయ్ ఆంటోనీ బిజీ బిజీగా ఉన్నాడు. ఈ సినిమా పూర్తయ్యాక హిందీ భిక్షగాడిపై శశి, విజయ్ ఆంటోనీ దృష్టి పెడతారని తెలుస్తోంది. అయితే హిందీ రీమేక్‌లో బాయ్స్ హీరో సిద్ధార్థ్, యువ సంగీత దర్శకుడు జీవీ ప్రకాష్‌లు నటించే అవకాశం ఉందని కోలీవుడ్‌లో జోరుగా ప్రచారం సాగుతోంది.