తెలుగు చిత్రపరిశ్రమలో మాస్ మహారాజాగా గుర్తింపు పొందిన నటుడు రవితేజ, జయాపజయాలతో నిమిత్తం లేకుండా ఆయన సినిమాలు చేస్తుంటారు. గత యేడాది సంక్రాంతికి క్రాక్‌గా వచ్చి సూపర్ హిట్ కొట్టారు.
ఆ తర్వాత ఆ వెంటనే రమేష్ వర్మ దర్శకత్వంలో ‘ఖిలాడీ’ అనే సినిమాను ప్రారంభించారు. సస్పెన్స్ యాక్షన్ ఎంటర్‌టైనర్‌గా రాబోతున్న ఈ సినిమాలో రవితేజ ద్విపాత్రాభినయం చేస్తుంటే, మీనాక్షి చౌదరి, డింపుల్‌ హయతిలు హీరోయిన్లుగా నటిస్తున్నారు. పెన్‌ స్టూడియోస్‌ సమర్పణలో హవీష్ ఈ చిత్రాన్ని నిర్మిస్తున్నారు. దేవీశ్రీ ప్రసాద్ సంగీతం సమకూర్చుతున్నారు.
ఇదిలావుంటే, శరత్ మందవా అనే దర్శకుడితో ‘రామారావు ఆన్ డ్యూటీ’ అనే చిత్రాం కూడా చేస్తున్నాడు రవితేజ. ఇది కూడా చాలా వరకూ చిత్రీకరణను పూర్తి చేసుకుంది. ఇక ఫ్యామిలీ చిత్రాల దర్శకుడు త్రినాథరావు నక్కిన దర్శకత్వంలో రవితేజ హీరోగా ధమాకా పేరుతో ఓ చిత్రం రానుంది.
ఈ మూవీ ఫస్ట్ లుక్‌ను విజయదశమి పండుగను పురస్కరించుకుని రిలీజ్ చేశారు. ఈ సినిమాలో 20 ఏళ్ల కన్నడ బ్యూటీ శ్రీలీల హీరోయిన్‌గా నటిస్తుందట. ఇందుకోసం ఆమెకు ఏకంగా రూ.70 లక్షలు రెమ్యూనరేషన్ ఇవ్వజూపినట్టు ఫిల్మ్ నగర్ వర్గాల సమాచారం.
