వివాద‌స్ప‌ద చిత్రాల ద‌ర్శ‌కుడు రామ్ గోపాల్ వర్మ ల‌క్ష్మీస్ ఎన్టీఆర్ సినిమాతో మ‌రోసారి వార్త‌ల్లో నిలిచిన విష‌యం తెలిసిందే. నాగ చైతన్య, సమంతల గురించి వర్మ స్పందించి మ‌రోసారి వార్త‌ల్లో నిలిచారు. చైతన్య, సమంతల గురించి వర్మ స్పందించ‌డం ఏంటి..? అనుకుంటున్నారా..? ఇంత‌కీ విష‌యం ఏంటంటే... చైతన్య, సమంత జంట‌గా న‌టించిన తాజా చిత్రం మ‌జిలీ. నిన్ను కోరి ఫేమ్ శివ నిర్వాణ ద‌ర్శ‌క‌త్వంలో ఈ సినిమా ఏప్రిల్ 5న రిలీజ్ కానుంది.
ఈ సంద‌ర్భంగా ప్రీ రిలీజ్ ఈవెంట్లో ట్రైల‌ర్‌ను విక్ట‌రీ వెంక‌టేష్ రిలీజ్ చేసారు. ఈ ట్రైలర్ గురించి వర్మ ట్విట్ట‌ర్లో స్పందిస్తూ... నాగ చైతన్య.. ట్రైలర్‌లో సమంత కన్నా నాకు నువ్వే ఎక్కువగా నచ్చావు. ఇలా చెప్పానని నన్ను మరోలా అనుకోకండి. ఇది నిజం అని వర్మ పోస్ట్‌ చేశారు. వర్మ ట్వీట్‌కు చైతన్య రిప్లై ఇచ్చారు. మంచిది రామ్‌గోపాల్‌ వర్మ.. ఏదేమైతేనేం మనమంతా సంతోషించాల్సిన విషయమేగా.. చీర్స్‌ అని పోస్ట్‌ చేశారు. అయితే.. వర్మ ఆ త‌ర్వాత ఏమ‌నుకున్నారో ఏమో కానీ... తన ట్వీట్‌ను డిలీట్ చేశారు.
