బుల్లితెర యాంకర్ నుండి వెండి తెరలో దర్శకత్వానికి షిఫ్ట్ అయిపోయిన ఓంకార్ రూపొందిన హార‌ర్ కామెడీ చిత్రం `రాజుగారిగ‌ది` ఎంత‌టి విజ‌యాన్ని సాధించిందో అంద‌రికీ తెలిసిందే.
కాగా... ఆ సినిమాకు ఫ్రాంచైజీగా తాజాగా `రాజుగారి గది 3` సినిమా గురువారం నాడు లాంఛ‌నంగా ప్రారంభ‌మైంది. ఓక్ ఎంట‌ర్‌టైన్‌మెంట్స్ బ్యాన‌ర్‌పై నిర్మిత‌మ‌వుతున్న ఈ సినిమా ఈ ప్రారంభోత్స‌వ కార్య‌క్ర‌మానికి దిల్‌రాజు ముఖ్య అతిథిగా హాజ‌రై ముహూర్త‌పు స‌న్నివేశానికి క్లాప్ కొట్టారు. స్టార్ మా బిజినెస్ హెడ్ అలోక్ జైన్ కెమెరా స్విచ్ ఆన్ చేసారు.
కాగా.. `రాజుగారిగ‌ది 3`లో మిల్కీ బ్యూటీ త‌మ‌న్నా ప్ర‌ధాన పాత్ర‌లో న‌టిస్తుండ‌గా అశ్విన్ ముఖ్య పాత్ర‌లో న‌టించనున్నాడు. ఊర్వ‌శి, అలీ, బ్ర‌హ్మాజీ, ప్ర‌భాస్ శ్రీను, హ‌రితేజ, అజ‌య్‌ఘోష్ తదితరులు ఇత‌ర పాత్ర‌ల్లో న‌టిస్తున్నారు.
శుక్ర‌వారం నుండి సినిమా రెగ్యుల‌ర్ షూటింగ్ హైద‌రాబాద్‌లో ప్రారంభం కానుంది. మరి ఓంకార్ అన్నయ్య... మిల్కీ బ్యూటీల కాంబినేషన్‌లో రానున్న ఈ సినిమా ఎంత మేరకు ఉండబోతోందో చూద్దాం...
