స్వర్గీయ ఎన్.టి.రామారావు జీవిత చరిత్రను రెండు భాగాలుగా తెరకెక్కిస్తున్నారు. ఇందులో తొలిభాగం 'ఎన్టీఆర్ కథానాయకుడు'. ఈ చిత్రం సంక్రాంతి పండుగకు ప్రేక్షకుల ముందుకు వచ్చింది. రెండోభాగం 'ఎన్టీఆర్ మహానాయకుడు'. ఈ చిత్రం వచ్చే నెల ఏడో తేదీన విడుదల చేయాలని తొలుత చిత్ర యూనిట్ భావించింది. కానీ, చిత్రం విడుదల వాయిదాపడింది.
ఎన్టీఆర్ పాత్రలో హీరో బాలకృష్ణ నటిస్తూ ఈ చిత్రాన్ని నిర్మిస్తే జాగర్లమూడి క్రిష్ దర్శకత్వం వహించారు. ఈ చిత్రం తొలి భాగంలో ఎన్టీఆర్ సినీ కెరీర్‌ను చూపించారు. రెండో భాగంలో రాజకీయ నేపథ్యాన్ని చూపించనున్నారు.
ఈ రెండో భాగాన్ని వచ్చే నెల 7వ తేదీన విడుదల చేయాలని భావించారు. కానీ అనివార్య కారణాలరీత్యా దీన్ని వాయిదా వేశారు. అయితే తాజాగా అందిన సమాచారం మేరకు ఈ సినిమాకు ఫిబ్రవరి 14వ తేదీన 'మహానాయకుడు'ని విడుదల చేయాలని నిర్ణయించారట.
కాగా, ఈ చిత్రంలో బసవతారకం పాత్రలో బాలీవుడ్ నటి విద్యాబాలన్ నటిస్తే, హరికృష్ణగా కళ్యాణ్ రామ్, అక్కినేని నాగేశ్వర రావుగా సుమంత్, చంద్రబాబు నాయుడుగా రానా దగ్గుబాటి నటిస్తున్నారు. రెండోభాగంలో వీరి పాత్రల నిడివి ఎక్కువగా ఉంటుందని చిత్ర యూనిట్ చెబుతోంది.
