తెలుగు చిత్రపరిశ్రమకు చెందిన సూపర్ స్టార్ మహేష్ బాబు కరోనా వైరస్ సోకింది. ఆయన వ్యక్తిగత హెయిర్‌స్టైలిస్ట్‌ ఇప్పటికే కరోనా వైరస్ బారినపడ్డారు. దీంతో మహేష్ బాబు కూడా ముందు జాగ్రత్తగా హోం ఐసోలేషన్‌కు వెళ్లిపోయి కరోనా నిర్ధారణ పరీక్షలు చేయించుకున్నారు. ఈ ఫలితాల్లో ఆయనకు కరోనా వైరస్ సోకినట్టు తేలింది.
ఈ విషయాన్ని మహేష్ బాబు గురువారం రాత్రి స్వయంగా వెల్లడించారు. గత కొన్ని రోజులుగా తనతో సన్నిహితంగా మెలిగినవారంతా కోవిడ్ పరీక్షలు చేయించుకోవాలని కోరారు. తనకు కోవిడ్ సోకిందని నిర్థారించారు. అలాగే, ప్రతి ఒక్కరూ తప్పనిసరిగా కరోనా టీకాలు వేయించుకోవాలని ఆయన కోరారు.
