''ఖైదీ నెంబర్ 150'' ప్రీ రిలీజ్ ఫంక్షన్ ప్రారంభం... మెగా ఫ్యాన్స్ పండగ.. నీరు నీరు పాట రిలీజ్
మెగాస్టార్ చిరంజీవి 150వ సినిమా ''ఖైదీ నెంబర్ 150'' ప్రీరిలీజ్ ఫంక్షన్ ప్రారంభమైంది. గుంటూరు సమీపంలోని చినకాకాని దగ్గరున్న 'హాయ్ ల్యాండ్'లో అట్టహాసంగా ప్రారంభమైన ఈ సినిమా ప్రీ రిలీజ్ ఫంక్షన్‌కు అభిమాన
మెగాస్టార్ చిరంజీవి 150వ సినిమా ''ఖైదీ నెంబర్ 150'' ప్రీరిలీజ్ ఫంక్షన్ ప్రారంభమైంది. గుంటూరు సమీపంలోని చినకాకాని దగ్గరున్న 'హాయ్ ల్యాండ్'లో అట్టహాసంగా ప్రారంభమైన ఈ సినిమా ప్రీ రిలీజ్ ఫంక్షన్‌కు అభిమానులు భారీ ఎత్తున తరలివచ్చారు. దాదాపు లక్షమంది మెగా ఫ్యాన్స్ ఈ వేడుకకు హాజరవుతారనుకుంటే.. అంచనాలకు మించిన ఫ్యాన్స్‌తో వేదిక నిండిపోయింది.
ఈ నేపథ్యంలో వారిలో ఉత్సాహం తగ్గకుండా ఉండేందుకు నిర్వాహకులు సాంస్కృతిక కార్యక్రమాలు ఏర్పాటు చేశారు. ఇందులో డాన్సర్లు చిరంజీవి హిట్ సాంగ్స్‌కు డాన్స్ వేస్తూ అభిమానులను అలరించారు. ఇక ఈ కార్యక్రమానికి సుమ యాంకర్‌గా వ్యవహరిస్తున్నారు. ఈ సినిమాలోని పాటలు ఇప్పటికే నెట్టింట్లో హల్ చల్ చేస్తూ రికార్డులను బద్ధలు కొట్టిన తరుణంలో.. నీరు నీరు అంటూ సాగే పాటను.. అశ్వనీదత్ రిలీజ్ చేశారు.
ఈ పాటకు సంగీతం సమకూర్చిన దేవీశ్రీ ప్రసాద్‌ను అశ్వనీదత్ కొనియాడారు. జగదేక వీరుడు అతిలోక సుందరి లాంటి బంపర్ హిట్ సినిమాను చిరంజీవితో చేసిన తాను బాస్ ఎప్పుడు వస్తాడా అని ఆత్రుతతో ఎదురుచూస్తున్నానని చెప్పారు. ఈ సినిమా తప్పకుండా బ్లాక్ బస్టర్ అవుతుందని అశ్వనీదత్ నమ్మకం వ్యక్తం చేశారు.
