ఉత్తరాదిలో బాహుబలి 2 ప్రభంజనం.. సినిమా చూసి విలపిస్తున్న జనం.. ఆనంద బాష్పాలతో..
బాహుబలి2 సినిమాకు ఉత్తర భారత ప్రేక్షకుల నీరాజనం . జీవితంలో ఇలాంటి గొప్ప సినిమాను భారతీయ తెరపై చూస్తానని కల్లో కూడా అనుకోలేదని ఉత్తర భారతదేశంలో ఒక నడివయస్కుడు సినిమా చూశాక తీవ్ర భావోద్వేగానికి గురై మాట్లాడాడు. ఇలాంటి సినిమా చూడటానికే తాన
బాహుబలి2 సినిమాకు ఉత్తర భారత ప్రేక్షకులు నీరాజనం పలుకుతున్నారు. జీవితంలో ఇలాంటి గొప్ప సినిమాను భారతీయ తెరపై చూస్తానని కల్లో కూడా అనుకోలేదని ఉత్తర భారతదేశంలో ఒక నడివయస్కుడు సినిమా చూశాక తీవ్ర భావోద్వేగానికి గురై మాట్లాడాడు. ఇలాంటి సినిమా చూడటానికే తాను బతికి ఉన్నానని చెబుతూ దేవసేన పాత్రధారి అనుష్క నడిచే స్టయిల్‌లోనే మహారాణి రాజరికం ఉట్టిపడిందంటూ ప్రశంసించాడు. జమ్మూ కశ్మీర్‌లోకూడా బాహుబలి గురించే జనం మాట్లాడుకుంటున్నారని ఆయన తెలిపారు.
ఇక ప్రభాస్ సాత్విక నటనకు ఉత్తరాది జనం ఫిదా అయిపోతున్నారు. అమరేంద్ర బాహుబలీ, మహేంద్ర బాహుబలీ.. అంటూ ప్రశంసల వర్షం కురిపిస్తున్నారు. ప్రభాస్ మెత్తటి గొంతుతో ప్రదర్శించిన సాత్విక నటన బాలీవుడ్ లోని ఖాన్ త్రయాలను అలా విసిరిపారేసిందని ఒక ప్రేక్షకుడు తేల్చి చెప్పేశాడు. షోలే తర్వాత అంత గొప్ప సినిమాను చూడటం ఈ నలభైఏళ్లలో ఇదే మొదటి సారి అంటూ పొంగిపోతున్నారు. ఇలాంటి యాక్షన్ ఫిల్మ్‌ని ఇండియన్ కథతో చూడటం ఇదే తొలిసారని, జీవితంలో ఇలాంటి గొప్పసినిమా మళ్లీ చూస్తామని అనుకోలేమని, ఈజీగా వెయ్యి కోట్ల క్లబ్‌లోకి బాహుబలి సినిమా చేరిపోతుందని ఉత్తరాది ప్రేక్షకులు పొగడ్తలు కురిపిస్తున్నారు.
