బండ్ల గణేష్ తోడేలు... పాపం పవన్ కళ్యాణ్‌కు తెలీదు... సచిన్ వ్యాఖ్య
బాలీవుడ్ ఇండస్ట్రీ నుంచి తెలుగులో పలు చిత్రాల్లో నటించిన సచిన్ జోషి పేరు వినే వుంటాం. ఇతనికీ బండ్ల గణేష్ కు ఏదో కేసు జరుగుతుందట. దీనిపై సోమవారం నాడు సచిన్ మీడియా ముందుకు వచ్చి మాట్లాడారు. బండ్ల గణేష్ పైన నిప్పులు చెరిగారు. టాలీవుడ్ ఇండస్ట్రీలో బండ్ల
బాలీవుడ్ ఇండస్ట్రీ నుంచి తెలుగులో పలు చిత్రాల్లో నటించిన సచిన్ జోషి పేరు వినే వుంటాం. ఇతనికీ బండ్ల గణేష్ కు ఏదో కేసు జరుగుతుందట. దీనిపై సోమవారం నాడు సచిన్ మీడియా ముందుకు వచ్చి మాట్లాడారు. బండ్ల గణేష్ పైన నిప్పులు చెరిగారు. టాలీవుడ్ ఇండస్ట్రీలో బండ్ల గణేష్ ఓ తోడేలు లాంటి వారంటూ మండిపడ్డారు.
బండ్ల గణేష్ తనకు కోట్ల రూపాయలు ఎగ్గొట్టాడనీ, దానికి సంబంధించిన కేసు నడుస్తుందంటూ చెప్పుకొచ్చారు. గణేష్ టాలీవుడ్ ఇండస్ట్రీలో తోడేలు వంటివాడంటూ మండిపడ్డారు. పవన్ కళ్యాణ్ పేరు చెప్పుకుంటూ పబ్బం గడుపుతున్నారనీ, పాపం పవన్ కళ్యాణ్‌కు బండ్ల గురించి పూర్తిగా తెలియదంటూ చెప్పుకొచ్చారు.
కాగా మొన్నామధ్య జరిగిన మీడియా సమావేశంలో సచిన్ జోషి అనే వ్యక్తి ఎవరో తనకు తెలియదని బండ్ల గణేష్ వ్యాఖ్యానించారు. మరి సచిన్ చెప్పేదాంట్లో వాస్తవముందా... బండ్ల గణేష్ చెప్పే మాటల్లో నిజమున్నదో కొన్ని రోజులు ఆగితే కానీ తెలియదు.
