'బాహుబలి'లో చిరంజీవి... ఆలింగనం చేసుకుని ఆహ్వానించిన ప్రభాస్ - రాజమౌళి
టాలీవుడ్ టాప్ డైరెక్టర్ రాజమౌళి భారీ బడ్జెట్‌తో తెరకెక్కిస్తున్న 'బాహుబలి' ప్రస్తుతం నిర్మాణ దశలో ఉంది. గత కొంతకాలంగా ఈ సినిమాలో ముఖ్య సన్నివేశాలను రామోజీ ఫిలింసిటీలో తెరకెక్కిస్తున్నారు. ఈ భారీ బడ్జె
టాలీవుడ్ టాప్ డైరెక్టర్ రాజమౌళి భారీ బడ్జెట్‌తో తెరకెక్కిస్తున్న 'బాహుబలి' ప్రస్తుతం నిర్మాణ దశలో ఉంది. గత కొంతకాలంగా ఈ సినిమాలో ముఖ్య సన్నివేశాలను రామోజీ ఫిలింసిటీలో తెరకెక్కిస్తున్నారు. ఈ భారీ బడ్జెట్ ఎంటర్‌ట్రైనర్లో ప్రభాస్, రానా అన్నదమ్ములుగా నటిస్తున్నారు. అనుష్క దేవసేనగా కనిపించనుంది.
ఈ చిత్రం యొక్క కొత్త షెడ్యూల్ ఈ గురువారం (నవంబర్ 14) నుండి కేరళలో మొదలుకానుంది. ఈ చిత్ర బృందం కేరళలో షూటింగ్‌కు అన్ని ఏర్పాట్లు చేసుకుంది. తాజాగా రామోజీ ఫిల్మ్ సిటీలో జరుగుతున్న ''బాహుబలి'' సెట్‌కు మెగాస్టార్ చిరంజీవి వెళ్ళారు. ఒక్కసారిగా అనుకొని అతిథిలా వచ్చిన మెగాస్టార్ చూసి యూనిట్ అంతా అవాక్కయ్యారు. చిరంజీవిని చూసిన ప్రభాస్ ఒక్కసారిగా ఆయనను ఆత్మీయంగా ఆలింగనం చేసుకున్నారు.
ఎందుకంటే... బాహుబలి సెట్ పక్కనే చిరంజీవి ఖైదీ నెం.150 మూవీ షూటింగ్ కూడా జరుగుతుండటంతో విషయం తెలుసుకున్న మెగాస్టార్.. స్వయంగా వెళ్లి బాహుబలి యూనిట్‌తో కాసేపు సరదాగా గడిపారట. అక్కడ ఉన్న దర్శకుడు రాజమౌళి కూడా వారిద్దరిని చూసి ఆనందంతో పులకరించిపోయారు. ఈ విషయాన్ని యూనిట్ సభ్యులు సోషల్ మీడియా ద్వారా తెలిపారు. ప్రస్తుతం ఈ ఫోటో సోషల్ మీడియాలో చక్కెర్లు కొడుతోంది.
