ప్రస్తుతం మహేష్ బాబు నటిస్తోన్న మహర్షి సినిమా మే 9వ తేదీన విడుదల కాబోతోంది. దీని తర్వాత మహేష్‌బాబు అనిల్ రావిపూడి దర్శకత్వంలో మరో సినిమా చేస్తాడు. జూన్ నుంచి సెట్స్ మీదకు వెళ్ళబోతున్న ఈ సినిమాను దిల్ రాజు నిర్మిస్తుండగా ఈ సినిమాలో రష్మిక మందన్న హీరోయిన్. ఈ సినిమాలో అలనాటి నటి, లేడీ సూపర్ స్టార్ విజయశాంతి ఓ కీలక పాత్రలో నటిస్తున్నట్లు సమాచారం.
ఈ సినిమా కోసం ఇప్పటికే యూనిట్ ఆమెను సంప్రదించారు. అయితే మహేష్ సినిమా కావడంతో ఇందులో నటించేందుకు రాములమ్మ ఓకే చెప్పినట్లు సమాచారం. కాగా, ఇందులో నటించేందుకు విజయశాంతి భారీగా కోటిన్నర డిమాండ్ చేసిందని వినికిడి. ఎక్కువ మొత్తం అయినప్పటికీ ఆ మొత్తాన్ని ఇచ్చేనందుకు నిర్మాతలు రెడీగా ఉన్నట్లు సమాచారం.
విజయశాంతి హీరోయిన్‌గా చేస్తున్న సమయంలోనే లేడీ ఓరియంటెడ్ సినిమాలు చేసింది. అప్పట్లో శ్రీరాములమ్మ సినిమా అద్భుతమైన విజయం సాధించింది. ఆ తరువాత కూడా విజయశాంతి అనేక సినిమాలు చేసింది. రాజకీయాల్లోకి ఎంట్రీ ఇచ్చిన తరువాత సినిమాలకు గుడ్ బై చెప్పింది. ఇన్నాళ్లకు తిరిగి వెండితెరపై కనిపించబోతున్నది.
