సన్నీ అందానికి పూరి జగన్నాథ్ ఫిదా : బాలకృష్ణ చిత్రంలో ఐటం గర్ల్గా ఛాన్స్ (Sunny dance in Raees - Video)
ఇండో-అమెరికన్ పోర్న్ స్టార్ సన్నీ లియోన్. పోర్న్ ఇండస్ట్రీ నుంచి బాలీవుడ్లోకి అడుగుపెట్టి.. ఇక్కడే స్థిరపడిపోయింది. ఆ తర్వాత కరెంట్ తీగ చిత్రంలో టాలీవుడ్కు పరిచయమైంది.
ఇండో-అమెరికన్ పోర్న్ స్టార్ సన్నీ లియోన్. పోర్న్ ఇండస్ట్రీ నుంచి బాలీవుడ్లోకి అడుగుపెట్టి.. ఇక్కడే స్థిరపడిపోయింది. ఆ తర్వాత కరెంట్ తీగ చిత్రంలో టాలీవుడ్కు పరిచయమైంది. ఆమె చేతిలో ఉండే సినిమాల్లో ఏదో ఒకటి, ఏదో ఓ రూపంలో టాలీవుడ్కి లింకప్ అయి ఉంటుండటమే అందుకు నిదర్శనం. బాలీవుడ్, టాలీవుడ్ సినిమాల్లో ఐటంసాంగ్స్ చేస్తూ కుర్రకారు మతి పోగోడుతోంది. ఫలితంగా ఈ బ్యూటీకి రెండు పరిశ్రమల్లోనూ మంచి ఫాలోయింగే వుంది.
ఈ నేపథ్యంలో పూరీ జగన్నాథ్ తాజాగా దర్శకత్వం వహించిన చిత్రం "రోగ్". ఈ చిత్రం ఆడియో సాగ్లో సన్నీ లియోన్ ప్రత్యేక ఆకర్షణగా నిలిచింది. అంతేకాకుండా, బాలీవుడ్ హీరో షారుఖ్ ఖాన్ నటించిన "రాయిస్" సినిమాలో సన్నీ లియోన్ ఐటంసాంగ్ చూసిన పూరి ఫిదా అయిపోయారట. దీంతో తన సినిమాలో ఆమెకి ఓ ఐటంసాంగ్ ఆఫర్ చేయాలని భావిస్తున్నట్టుగా తాజా సమాచారం. కేవలం ఐటంసాంగ్కే ఆమె పాత్రని పరిమితం చేయకుండా... అంతకుమించి ఎక్కువ ప్రాధాన్యత ఇవ్వాలనేది పూరి ఆలోచనగా ఉందట.
అదీకూడా నందమూరి బాలకృష్ణ 101వ చిత్రంలోనే సన్నీకి ఛాన్స్ ఇవ్వాలన్న కృతనిశ్చయంతో ఉన్నట్టు వినికిడి. ఈ వార్తలే నిజమైతే, ఐటంసాంగ్స్ ప్రజెంటేషన్లో తనదైన స్టైల్ చూపించే పూరి ఇక సన్నిలియోన్ని ఎలా చూపిస్తాడా అనే ఊహే ఇప్పుడు కుర్రకారుని గిలిగింతలు పెడుతోంది.