రాజమౌళి సినిమాలో చెర్రీ హీరో... ఎన్టీఆర్ విలన్..?
బాహుబలి మేకర్ జక్కన్న రాజమౌళి తాజాగా టాలీవుడ్ టాప్ హీరోలైన జూనియర్ ఎన్టీఆర్, రామ్ చరణ్‌లతో సినిమా చేస్తున్నట్లు జోరుగా ప్రచారం సాగుతోంది. ఈ సినిమా బాక్సర్ అనే టైటిల్ పెట్టనున్నట్లు కూడా తెలుస్తోంది.
బాహుబలి మేకర్ జక్కన్న రాజమౌళి తాజాగా టాలీవుడ్ టాప్ హీరోలైన జూనియర్ ఎన్టీఆర్, రామ్ చరణ్‌లతో సినిమా చేస్తున్నట్లు జోరుగా ప్రచారం సాగుతోంది. ఈ సినిమా బాక్సర్ అనే టైటిల్ పెట్టనున్నట్లు కూడా తెలుస్తోంది. ఇదో బిగ్ మల్టీస్టారర్ సినిమాగా తెరకెక్కనుందని ఫిలిమ్ నగర్ వర్గాల్లో వార్తలు చక్కర్లు కొడుతోంది.
ఈ సినిమాలో చెర్రీ హీరోగానూ, జూనియర్ ఎన్టీఆర్ విలన్‌గా అంటే నెగటివ్ షేడ్స్‌లో కనిపిస్తాడని తెలుస్తోంది. అయితే ఇద్దరినీ ఏమాత్రం ఎక్కువ, తక్కుల చేయకుండా రాజమౌళి వారి పాత్రలను చెక్కుతున్నారని సమాచారం. జై లవ కుశలో ఎన్టీఆర్ నెగటివ్ షేడ్స్ పండించడంతోనే రాజమౌళి ఈ చిత్రంలో ఆయనను విలన్ రోల్ ప్లే చేసేలా ఒప్పించినట్లు తెలుస్తోంది.
ఇక ఈ చిత్రంలో ఇద్దరు బాక్సర్లుగా నటిస్తున్నారని తెలిసిందే. తన తాజా చిత్రం 'జై లవకుశ'లో ఎన్టీఆర్ ఓ నెగటివ్ షేడ్స్ ఉన్న పాత్రను కూడా పోషించి రక్తి కట్టించిన సంగతి తెలిసిందే. తన సినిమాల్లో నెగటివ్ క్యారెక్టర్లను కూడా హీరోలకు ధీటుగా తీర్చిదిద్దే రాజమౌళి.. ఎన్టీఆర్ పాత్రను ఏ మేరకు చూపిస్తారో వేచి చూడాల్సిందే.
