సినీ పరిశ్రమలో కాస్టింగ్ కౌచ్ సంఘటనల గురించి నటి అనసూయ దిగ్భ్రాంతికరమైన విషయాలను వెల్లడించింది. ఒకప్పుడు ఒక ప్రముఖ స్టార్ హీరో నుండి వచ్చిన ప్రతిపాదనను తాను తిరస్కరించానని ఆమె పేర్కొంది. ఇంకా ప్రముఖ దర్శకుడి నుంచి కూడా అలాంటి అడ్జెస్ట్‌మెంట్ ఆఫర్ వచ్చిందని చెప్పింది. ఇందుకు ఆమె తిరస్కరింపునే అస్త్రంగా పంపానని చెప్పింది.
అనుచితమైన ప్రతిపాదనలను తిరస్కరించడం మాత్రమే సరిపోదని.. సినీ పరిశ్రమంటూ కాదు.. ఏ రంగంలోనైనా వచ్చే పరిణామాలను ఎదుర్కోవడానికి మహిళలు కూడా సిద్ధంగా ఉండాలని అనసూయ స్పష్టం చేశారు. పరిశ్రమలో అవకాశాలు కోరుకునే వర్ధమాన నటీమణులను దర్శకులు, నిర్మాతలు ఇద్దరూ తరచుగా దోపిడీ చేస్తారని ఆమె ఆరోపించింది.
ఒక వ్యక్తిగత విషయాన్ని పంచుకుంటూ, అనసూయ తాను ఇంకా పాఠశాలలో ఉన్నప్పుడు తనకు ఒక ప్రతిపాదన వచ్చిందని, దానిని తిరస్కరించానని వెల్లడించింది. ఇంకా అనసూయ మాట్లాడుతూ, సినిమా రంగంలోకి అడుగుపెట్టిన తర్వాత, తనకు ఇలాంటి ప్రతిపాదనలు అనేకం వస్తున్నాయని చెప్పింది.
తన వస్త్రధారణ గురించి సోషల్ మీడియా చర్చలను ఉద్దేశించి అనసూయ మాట్లాడుతూ, తన అభిమానుల కోసం ఆన్‌లైన్‌లో చిత్రాలను పంచుకుంటానని, అయితే తన దుస్తుల ఎంపిక పూర్తిగా వ్యక్తిగతమని స్పష్టం చేసింది. "నేను ఫుల్ డ్రెస్ వేసుకోవాలా లేక బికినీ వేసుకోవాలా అనేది నా నిర్ణయం. నా ఎంపికలను వేరే ఎవరైనా ఎందుకు నిర్దేశించాలి?" అని ఆమె ప్రశ్నించింది.
