శివాని ఆర్ట్స్‌ బేనర్‌పై బేబి మమత సమర్పణలో హీరో సుమన్‌, ఆశిష్‌ విద్యార్థి ముఖ్యపాత్రల్లో వేముగంటి దర్శకత్వంలో సి.ఎల్‌.శ్రీనివాస యాదవ్‌ నిర్మిస్తున్న చిత్రం 'వీరంగం'. షూటింగ్‌ పూర్తిచేసుకున్న ఈ చిత్రం ప్రస్తుతం నిర్మాణంతర కార్యక్రమాల్లో వుంది. ఈ చిత్రం ఆడియోను జనవరి 4న చిత్ర ప్రముఖుల సమక్షంలో విడుదల చేయనున్నారు.
ఈ సందర్భంగా నిర్మాత సి.ఎల్‌.శ్రీనివాసయాదవ్‌ మాట్లాడుతూ - 'నందన్‌రాజ్‌ ఈ చిత్రానికి 5 అద్భుతమైన పాటల్ని అందించారు. శ్రేయ మ్యూజిక్‌ ద్వారా ఈ చిత్రంలోని పాటల్ని చలన చిత్ర మరియు రాజకీయ ప్రముఖుల సమక్షంలో జనవరి 4న విడుదల చేయనున్నాము.
ఆడియో సక్సెస్‌ అయి సినిమా కూడా ఘనవిజయం సాధిస్తుందన్న నమ్మకం మాకు వుంది. యూనిట్‌ సభ్యులందరీ సహకారంతో అనుకున్న టైంకి ఈ చిత్రాన్ని పూర్తిచేయగలిగాం. సినిమాను జనవరి నెలాఖరులో విడుదల చేయడానికి సన్నాహాలు చేస్తున్నాం'' అన్నారు.
హీరో సుమన్‌, ఆశిష్‌ విద్యార్థి ముఖ్యపాత్రల్లో నటిస్తుండగా అక్షయ్‌-సందీప్తి యువజంటగా నటిస్తున్నారు. ఈ చిత్రంలో కోట శ్రీనివాసరావు, బాబూమోహన్‌, గిరిబాబు, ఆర్‌.కె., రమాప్రభ, శివపార్వతి, సాయిప్రియ, జయవాణి, భానుశ్రీ, రమణి, శ్రీనిథి, రోహిణి, బాపణపల్లి పరమేశ్వర్‌, నటరాజ్‌, కార్తికేయన్‌, విజయ్‌, ఉడుతల సారంగపాణి తదితరులు ఇతర పాత్రల్లో నటిస్తున్నారు.
ఈ చిత్రానికి మాటలు: దేశమాల, ఫైట్స్‌: 'సూపర్‌' ఆనంద్‌, ఎడిటర్‌: వి.ఎన్‌. వీరభద్రరావు, కొరియోగ్రఫీ: శివశంకర్‌, కెమెరా: రామ్‌ పినిశెట్టి, మ్యూజిక్‌: నందన్‌రాజ్‌, ప్రొడక్షన్‌ కంట్రోల్‌: రామాంజనేయులు, నిర్మాత: సి.ఎల్‌.శ్రీనివాస యాదవ్‌, కాన్సెప్టె-స్క్రీన్‌ప్లే-దర్శకత్వం: వేముగంటి
