వెస్ట్ బెంగాల్ నుంచి ఇద్దరు అందమైన అమ్మాయిలు వచ్చారు. గంటకు 5 వేలు మాత్రమే. మీకెలాంటి ఇబ్బంది ఉండదు. గది మాదే. ఎసి ఫెసిలిటీ. పోలీసులతో ఎలాంటి ఇబ్బంది ఉండదు. అంతా మేమే చూసుకుంటామంటూ విటులను ఆకర్షిస్తూ డబ్బులు సంపాదించే ముఠాను హైదరాబాద్ పోలీసులు అదుపులోకి తీసుకున్నారు.
సులువుగా డబ్బులు సంపాదించాలనుకునే కొంతమంది అమ్మాయిల అందాన్ని ఎరచూపి ఈ ముఠా వ్యభిచార గృహాలను నడుపుతోంది. ఇదంతా ఎక్కడో కాదు.. హైదరాబాద్ లోని గచ్చిబౌలికి అతి సమీపంలో ఉన్న వినాయకగనర్ లోని లగ్జరీ గెస్ట్ హౌస్‌లో. పోలీసులకు ఎలాంటి అనుమానం రాకుండా గత కొన్నిరోజులుగా ఈ తతంగం సాగుతోంది.
అయితే విటులు తక్కువై ఆదాయం తగ్గిపోవడంతో నిర్వాహకులు కొంతమందిని రోడ్లపైకి పంపించి బేరం పెట్టేశారు. గంటకు 5 వేలు. అందమైన అమ్మాయిలు అంటూ గట్టిగా అరుస్తూ చివరకు పోలీసులకే దొరికిపోయారు. నిన్న రాత్రి వ్యభిచార గృహాలపై దాడులు నిర్వహించిన పోలీసులు సుమారు 15 మంది యువతులను అక్కడి నుంచి పంపించేశారు. విటులను, నిర్వాహకులను అదుపులోకి తీసుకున్నారు.
