మినప్పప్పు పాకం గారెలు

కావలసిన పదార్థాలు :
మినప్పప్పు... అరకేజీ
బెల్లం తురుము... అరకేజీ
నీళ్లు... తగినన్ని
నూనె... వేయించేందుకు సరిపడా
నెయ్యి... 50 గ్రా.
యాలకులు... ఒక టీ.
ఉప్పు... తగినంత

తయారీ విధానం :
బెల్లం తురుములో తగినన్ని నీళ్లు పోసి లేతపాకం పట్టి, అందులో యాలక్కాయల పొడిని కలిపి ఉంచాలి. పొట్టు తీసిన మినప్పప్పును ఓ పూట ముందుగానే నానబెట్టాలి. పప్పులోని నీళ్లన్నీ వంపేసి తగినంత ఉప్పు వేసి గట్టిగా రుబ్బుకోవాలి. మీడియం సైజులో గారెలు వత్తుకుని.. నెయ్యి కలిపిన నూనెలో దోరగా వేయించి, పాకంలో వేయాలి. ఓ పూటంతా కదపకుండా ఉంచితే పాకంలో గారెలు బాగా నాని రుచిగా ఉంటాయి. అంతే మినప్పప్పు పాకం గారెలు రెడీ అయినట్లే...!