దక్షిణాఫ్రికాలో జరుగుతున్న ఇండియన్ ప్రీమియర్ లీగ్ రెండో సీజన్‌లో తన బ్యాటింగ్ పేలవంగా ఉందని చెన్నై సూపర్ కింగ్స్ కెప్టెన్ మహేంద్ర సింగ్ ధోనీ అంగీకరించాడు. ఇప్పటివరకు ఈ టోర్నమెంట్‌లో తాను బ్యాటింగ్‌లో ఆశించిన స్థాయిలో రాణించలేకపోతున్నానని ధోనీ చెప్పాడు. తన బ్యాటింగ్ జాలి కలిగించే స్థితిలో ఉందన్నాడు.
చెన్నై సూపర్ కింగ్స్ జట్టు వరుస విజయాలతో ముందుకెళుతున్నప్పటికీ ధోనీ బ్యాటింగ్ మాత్రం అంతంతమాత్రంగానే ఉంది. ఇప్పటివరకు ఆడిన మ్యాచ్‌లో ఈ స్టార్ ఆటగాడు కేవలం 107 పరుగులే సాధించాడు.
ఈ నేపథ్యంలో సరైన ఇన్నింగ్స్ ఆడేందుకు ఎదురుచూస్తున్నానని ధోనీ తెలిపాడు. జట్టులో పెద్ద హిట్టర్లైన అల్బీ మోర్కెల్, జాకబ్ ఓరమ్, తాను పేలవంగా ఆడుతున్నామన్నాడు. తమలో ఎవరూ ఫామ్‌లోకి వచ్చినా, బాగా ఆడుతున్న టాప్ ఆర్డర్‌తో మంచి లక్ష్యాలను ప్రత్యర్థుల ముందు ఉంచగలమని ధోనీ చెప్పుకొచ్చాడు.
