వింబుల్డెన్ టోర్నీ ముగియలేదు.. కానీ, విజేతగా రోజర్ ఫెదరర్... ఎలా?
ప్రతిష్టాత్మక వింబుల్డెన్ టోర్నీ హోరాహోరీగా సాగుతోంది. తొలి రౌండ్ పోటీలు పూర్తికాకముందే ఈ పోటీలు అమితాసక్తితో జరుగుతున్నాయి. అయితే, ఈ టోర్నీ పూర్తికాకముందే టోర్నీ విజేతగా రోజర్ ఫెదరర్‌ను అవతరించాడు. అ
ప్రతిష్టాత్మక వింబుల్డెన్ టోర్నీ హోరాహోరీగా సాగుతోంది. తొలి రౌండ్ పోటీలు పూర్తికాకముందే ఈ పోటీలు అమితాసక్తితో జరుగుతున్నాయి. అయితే, ఈ టోర్నీ పూర్తికాకముందే టోర్నీ విజేతగా రోజర్ ఫెదరర్‌ను అవతరించాడు. అదీకూడా తన ప్రత్యర్థిపై 6-0, 6-0, 6-1 స్కోరుతో విజేతగా నిలిచాడట. అయితే, ఇక్కడో తప్పు జరిగింది. నెట్టింట్లో సమగ్ర సమాచారం తెలుసుకునేందుకు సెర్చ్ చేసే వికీపీడియాలో తప్పుగా సమాచారాన్ని ఫీడ్ చేశారు.
ఈ టోర్నీలో ఫెదరర్ గెలిచేశాడ‌ని, అత‌నికి కెరీర్‌లో ఇది 8వ వింబుల్డ‌న్ టైటిల్ అని అత‌ని పేరిట ఉన్న వికీపీడియా చూపించ‌డంతో చాలా మంది షాక్ తిన్నారు. అంతేకాదు ఫైన‌ల్లో ఫెదరర్ 6-0, 6-0, 6-1తో నాద‌ల్‌పై గెలిచాడ‌ని స్కోరు, ప్ర‌త్య‌ర్థిని కూడా ఇవ్వ‌డం విశేషం. అయితే తప్పు తెలుసుకొని దీనిని డిలీట్ చేసేలోగా.. అప్ప‌టికే చాలా మంది స్క్రీన్‌షాట్లు తీసుకొని సోష‌ల్ మీడియాలో పోస్ట్ చేయడంతో అది కాస్తా వైర‌ల్ అయింది.
కాగా, ప్ర‌స్తుతం టోర్నీలో ఫెదరర్ ప్రిక్వార్ట‌ర్స్ మాత్ర‌మే చేరాడు. మూడో రౌండ్‌లో 7-6, 6-4, 6-4 స్కోరుతో జ‌ర్మ‌నీకి చెందిన మిషా జ్వెరెవ్‌పై గెలిచి నాలుగో రౌండ్ చేరాడు ఫెడెక్స్‌. ప్రిక్వార్ట‌ర్స్‌లో అత‌డు బ‌ల్గేరియాకు చెందిన 13వ సీడ్ గ్రిగోర్ దిమిత్రోవ్‌తో పోటీ ప‌డనున్నాడు. వికీపీడియా లేనిపోని స‌మాచారాన్నంతా ముందే పెట్టేసినా.. అదే నిజ‌మై కెరీర్‌లో 19వ గ్రాండ్‌స్లామ్ టైటిల్ గెల‌వాల‌ని ఫెదరర్ అభిమానులు కోరుకుంటున్నారు.
