చిరంజీవి రిజైన్ : ప్రజల కోసం కాదు.. సొంత ఫ్యూచర్ కోసం...
, మంగళవారం, 8 అక్టోబరు 2013 (11:51 IST)
కేంద్ర పర్యాటక సహాయ మంత్రి చిరంజీవి సమైక్యాంధ్రకు మద్దతుగా, తన మంత్రి పదవికి రాజీనామా చేసినట్టు వార్తలు వస్తున్నాయి. వాస్తవానికి ఆయన రాజీనామా చేశారో లేదో ఎవరికీ తెలియదు. ఒకవేళ ఆయన చెపుతున్నట్టుగా రాజీనామా చేసివుంటే.. అది ప్రజల కోసం, సమైక్యాంధ్ర పరిరక్షణ కోసం కాదని, రాజకీయ సొంత భవిష్యత్‌ను దృష్టిలో ఉంచుకునే రాజీనామా చేసి ఉంటారని పలువురు సమైక్యవాదులు అంటున్నారు. ముఖ్యంగా సీమాంధ్రలో ఎదురవుతున్న పరిస్థితులను బట్టి ఆయన కూడా రాజీనామా చేయాల్సి వచ్చిందని అంటున్నారు. ఎందుకంటే ఇప్పటికైనా రాజీనామాలు చేయకపోతే తాను ప్రజలలోకి వెళ్ళలేనని అందుకనే రాజీనామా చేసినట్లు ఆయన ప్రకటించారు. ఇదిలావుండగా, సోమవారం సాయంత్రం చిరంజీవి ఇంట్లో కేంద్ర మంత్రుల భేటీ తర్వాత మీడియాతో మాట్లాడుతూ రాజీనామాలను ఆమోదిస్తే తప్ప ప్రజల్లోకి వెళ్లలేమని ప్రధానికి చెప్పామని, వాటిని ఆమోదించాలని ఒత్తిడి చేశామని చిరంజీవి అన్నారు.
