రాష్ట్రంలో అనివార్య పరిస్థితుల వల్ల మధ్యంతర ఎన్నికలు ఉత్పన్నమైతే ప్రజలపై మళ్లీ భారం పడకుండా ఉండేందుకు కాంగ్రెస్ సర్కారుకు మద్దతు ఇస్తామని ప్రజారాజ్యం పార్టీ అధినేత చిరంజీవి అభిప్రాయపడ్డారు. అనంతరపురం పర్యటనలో భాగంగా ఆయన శుక్రవారం మాట్లాడుతూ.. రాష్ట్రంలో మధ్యంతర ఎన్నికలు రావనే విశ్వాసం తమకు ఉందన్నారు.
ఇకపోతే.. తనను రాజకీయాల నుంచి శాశ్వతంగా దూరం చేసేందుకు మీడియాలోని కొన్ని శక్తులు కుట్రపన్నుతున్నాయని ఆయన తెలిపారు. ఇకపోతే.. తమ పార్టీలో నేతలకు, కార్యకర్తలకు మధ్య ఎలాంటి సమన్వయ లోపం లేదని ఆయన స్పష్టం చేశారు. తమ అంతర్గత విషయాలను మీడియా బూతద్దంలో చూపిస్తోందని ఆయన విమర్శించారు.
