యూపీలోని ఆగ్రాలో విచిత్ర ఘటన చోటుచేసుకుంది. కుర్‌కురే కూడా తీసుకురాలేని భర్తతో తాను కాపురం చేయలేనని ఓ మహిళ భర్తను వద్దనుకుంది. వివరాల్లోకి వెళితే.. ఏడాది క్రితమే వారికి వివాహం అయ్యింది. ఆమెకు రోజూ కుర్‌కురే తినడం అలవాటు.
కొన్నాళ్లు భర్త కూడా ఎలాంటి అడ్డుచెప్పకుండా రోజూ ఓ ప్యాకెట్ తెచ్చి ఇచ్చేవాడు. కానీ రోజూ జంక్ ఫుడ్ తినొద్దని నచ్చజెప్పాడు. ఈ విషయం ఇద్దరి మధ్య గొడవకు కారణమైంది. అయినా రోజూ ఓ కుర్ కురే ప్యాకెట్ తెచ్చిపెట్టేవాడు. ఒకరోజు మర్చిపోయాడు.
అంతే, అపరకాళిలా అతడిపై విరుచుకుపడిన ఆమె, ఆపై పెట్టేబేడా సర్దుకుని పుట్టింటికి వెళ్లిపోయింది. కొన్ని రోజుల తర్వాత స్థానిక పోలీస్ స్టేషన్‌కు వెళ్లి భర్త తనను కొడుతున్నాడని ఫిర్యాదు చేస్తూ విడాకులు ఇప్పించాలని కోరింది. కేసు నమోదు చేసుకున్న పోలీసులు దంపతులిద్దరికీ కౌన్సెలింగ్ ఇవ్వాలని నిర్ణయించుకున్నారు.
