ప్రేమ పేరిట మోసపోతున్న యువతుల సంఖ్య పెరిగిపోతోంది. తాజాగా తమిళనాడులోని నిలకోట్టైలో ఓ యువకుడు ప్రేమ పేరిట యువతిని మోసం చేశాడు. ప్రేమిస్తున్నానని నమ్మబలికి ఆమెను పలుమార్లు లొంగదీసుకుని అనుభవించాడు. చివరికి గర్భం దాల్చేసరికి చేతులెత్తాశాడు. ఈ ఘటనపై బాధితురాలు ఫిర్యాదు చేయడంతో అసలు విషయం వెలుగులోకి వచ్చింది.
వివరాల్లోకి వెళితే.. నీలకోట్టైలోని పుదుపట్టికి చెందిన ఆరుముగం (33)కు అదే ప్రాంతానికి చెందిన యువతితో పరిచయం ఏర్పడింది. ఈ పరిచయం కాస్త ప్రేమగా మారింది. దీంతో ప్రియుడిని బాగా నమ్మిన యువతి.. అతనికి లొంగిపోయింది. ఇలా పలుమార్లు ప్రేయసిని ప్రియుడు లొంగదీసుకుని శారీరకంగా కలిశాడు. కానీ ఆమె గర్భం దాల్చింది.
ఈ విషయం అందరికీ తెలిసేలోపే వివాహం చేసుకోవాల్సిందిగా అడిగింది. కానీ ప్రేమ వరకేనని పెళ్లి చేసుకోనని ముఖం చాటేశాడు. ఇక ప్రియుడి చేతిలో తాను మోసపోయిన విషయాన్ని లేటుగా గ్రహించిన ఆ యువతి పోలీసులకు ఫిర్యాదు చేసింది. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.
