ఆధునిక యుగం.. స్మార్ట్ ఫోన్లపై మోజుతో ప్రేమ అనే మాట లేదని అందరూ అనుకునేరు. కాదు.. ఆ ప్రేమకు ఇంకా జీవం వుందని ఈ ఘటన నిరూపించింది. అయితే ఈ ప్రేమకు వయస్సు మాత్రం టీనేజ్‌. ప్రేమలో విఫలం కావడంతో 16 ఏళ్ల బాలిక 14 ఏళ్ల బాలుడు చెన్నైలో ఆత్మహత్యకు పాల్పడ్డారు.
వివరాల్లోకి వెళితే.. చెన్నై శివారు ప్రాంతమైన మాధవరం పాల్ పన్నైకి చెందిన 14 ఏళ్ల బాలుడు, 16 ఏళ్ల బాలికతో ప్రేమలో పడ్డాడు. వీరిద్దరూ 8 నెలలపాటు ప్రేమించుకున్నారు. వీరిద్దరూ ట్యూషన్‌ చదివేటప్పటి నుంచి ఏర్పడిన పరిచయం ప్రేమగా మారింది.
అయితే ప్రేమ విఫలం కావడంతో వీరిద్దరూ చేతులను చున్నీతో కట్టేసుకుని సముద్రంలో దూకి ఆత్మహత్యకు పాల్పడినట్లు పోలీసులు తెలిపారు. వీరిద్దరి మృతదేహాలను కనుగొన్నామని.. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
