పక్షులు ఒక్కదానికొకటి సహాయం చేసుకుంటాయి.
, సోమవారం, 21 నవంబరు 2011 (15:50 IST)
పక్షుల్లో కూడా తల్లి పక్షులు పిల్ల పక్షులకు ఆహారాన్ని అందించడానికి ఇతర పక్షుల సహాయాన్ని తీసుకుంటాయి. పిల్లల్ని పొదిగిన పక్షిజంట వాటి బంధువుల అంటే ఆ తల్లి లేదా తండ్రి పక్షులతో పాటు కలిసి పుట్టిన ఆడ, మగ పక్షుల సహాయం తీసుకుంటాయి. సహాయం చేసే పక్షులకు పిల్ల పక్షులు ఉండని సందర్బంలోనే ఇలా సహాయం చేస్తాయి.ఒక్కోసారి ఎలాంటి బంధుత్వం లేకపోయినా సహాయం చేస్తాయి. కానీ ఎక్కువ శాతం ఆ పక్షి జంటకు అంతకు ముందు పుట్టిన పక్షులు సహాయాన్ని అందిస్తాయి. 'రెడ్‌థ్రోటెడ్ బీ ఈటర్స్' అనే పక్షులు పిల్లల్ని పెంచడానికి ఇతర పక్షుల సహాయాన్ని ఎక్కువగా తీసుకుంటాయి. సహాయం చేసిన పక్షులు గనుక ఒకవేళ ఆ మరుసటి సంవత్సరం గూడు కట్టుకునేటట్లయితే అవి పెంచిన పిల్లలు వాటికి సహాయం చేస్తాయి. కాకులు కూడా ఒకదానికొకటి సహాయం చేసుకుంటాయి.
