నడిరోడ్డుపై అందరూ చూస్తుండగా.. యువతిని గొడ్డును బాదినట్లు బాదారు.. వాళ్లెవరు?

నడిరోడ్డుపై అందరూ చూస్తుండగా సాటి మహిళనే కనికరం లేకుండా.. కొందరు మహిళలు మరో యువతిని గొడ్డును బాదినట్టు బాదారు. బట్టలు చించి పైశాచికంగా ప్రవర్తించారు. దీనిని అడ్డుకోవాల్సిన ప్రజలు ఆ దృశ్యాలను తమ ఫోన్ ల

నడిరోడ్డుపై అందరూ చూస్తుండగా సాటి మహిళనే కనికరం లేకుండా.. కొందరు మహిళలు మరో యువతిని గొడ్డును బాదినట్టు బాదారు. బట్టలు చించి పైశాచికంగా ప్రవర్తించారు. దీనిని అడ్డుకోవాల్సిన ప్రజలు ఆ దృశ్యాలను తమ ఫోన్లలో రికార్డు కూడా చేశారు. అనంతరం ఈ వీడియోను సోషల్ మీడియాలో పోస్ట్ చేశారు. ప్రస్తుతం ఈ వీడియో సామాజిక మాద్యమాలలో చక్కర్లు కొట్టడంతో ఆ మహిళల తీరుపై నెటిజన్లు ఆగ్రహం వ్యక్తం చేస్తున్నారు. 

తమ స్నేహితురాలి భర్తతో బాధితురాలు చనువుగా ఉండటమే ఈ సంఘటనకు కారణమని పేర్కొన్నారు. అందరూ చూస్తున్నారని ఇంకితజ్ఞానం కూడా లేకుండా నడిరోడ్డుపై ఆ యువతిని కొడుతూ, బట్టలు చించి, జుట్టుపట్టుకొని ఈడ్చుకెళ్లిన ఈ సంఘటన తూర్పు చైనాలోని అన్హుయ్ ప్రావిన్స్‌లో బొన్జూ ప్రాంతంలో చోటుచేసుకుంది. ఈ వీడియోలో ఆ యువతి పట్ల వారు అతికిరాతకంగా ప్రవర్తించారు.

యువతి బట్టలను ఒక్కొక్కటిగా తీసేసి ఆమె పట్ల అసభ్యంగా ప్రవర్తించారు. అక్కడున్న వారిలో ఓ మహిళ వచ్చి యువతిని రక్షించడానికి ప్రయత్నించగా వారు ఆమెతో కూడా గొడవ పడ్డారు. మిగాతా వాళ్లు మాత్రం చూస్తూ ఉండిపోయారు. కొందరైతే ఈ తతంగాన్ని ఫోన్లతో రికార్డు చేస్తూ ఉండిపోయారు. అనంతరం ఈ వీడియోని సామాజిక మాధ్యమాల్లో పోస్టు చేశారు. ఆ వీడియో చూసిన వారు ఆ మహిళా గ్రూప్ తీరుపై తీవ్రస్థాయిలో ధ్వజమెత్తుతున్నారు. ఓ యువతిని కనికరం లేకుండా అలా కొట్టడమేంటి అని... నెటిజన్లు ఆగ్రహం వ్యక్తం చేస్తున్నారు.